Gradu Bikoitza Enpresen Administrazioan eta Zuzendaritzan eta Zuzenbidean
Eskura ezazu prestakuntza bikoitza arlo juridikoan eta ekonomikoan, eta horrek aukera emanen dizu estatuko eta nazioarteko enpresa-sarean gehien eskatzen diren lanbideetan sartzeko, marketinaren, finantzen edota giza baliabideen esparruetan, esaterako.
- Modalitatea: presentziala
- Hizkuntza: gaztelania (irakasgai batzuk euskaraz edo ingelesez egiten ahal dira)
- Kredituak: 366 ECTS
- Iraupena: 5,5 ikasturte (11 seihileko)
- Postuak: 30
- Arduradun akademikoa: Unai Belintxon Martín
- Ikastegia: Zientzia Juridikoen Fakultatea
- Campusa: Iruñea (bisita birtuala)
Aurkezpena
NBEren 2030 Agendaren Garapen Jasangarrirako Helburuekin bat datorren gradua.
Zergatik ikasi Enpresen Administrazioko eta Zuzendaritzako eta Zuzenbideko Gradu Bikoitza?
- Zeharkako prestakuntza izateko, hori oso erakargarria iruditzen baitzaie inguruko enpresei ez ezik zerbitzuak mundu osoan ematen dituzten aholkularitzako eta kontu-ikuskaritzako enpresa handiei ere.
- Irteera profesional asko ditu, eta eskari berezia dago enpresa-aholkularitzaren, zerga- eta lan-aholkularitzaren eta ogasun publikoen arloetan.
- Diziplina juridikoak ulertu eta haiei buruzko ezagupenak eskuratuko dituzu, aukera izanen duzu enpresen erabaki handiak ezagutzeko, eta gaitasuna lortuko duzu proiektuak planifikatu, antolatu eta kontrolatzeko.
- Ikasketak bukatzen dituzunean, bi titulu lortuko dituzu:
- Zuzenbideko Gradua, arlo juridikoko jardueretara bideratua
- Enpresen Administrazioko eta Zuzendaritzako Gradua, enpresaren zuzendaritza- eta kudeaketa-lanak gauzatzera bideratua
Gradu hau egiteko moduak:
Espezializazioa
Gaitasunen inguruko prestakuntza
Hizkuntzak
Sarbide egokienak:
- Batxilergoa: Giza eta Gizarte Zientzien edo Zientzien modalitatea
- Lanbide Heziketako goi zikloak, titulazioarekin lotura dutenak.
HAUEK EDUKITZEA KOMENI DA: arrazoinamendu numeriko, logiko eta abstrakturako gaitasuna; zentzu etikoa, gizarte-ongizaterako interesa, baita gatazkak konpontzeko mekanismoak aztertzekoa ere; enpresa-munduarekiko jakin-mina, baita negozioen kudeaketari eta zuzendaritzari eta pertsona, enpresa, merkatu eta erakundeentzako aholkularitzari buruzkoa.
Ikasleentzako laguntza
Zertan egiten ahalko dut lan Enpresen Administrazioko eta Zuzendaritzako eta Zuzenbideko Gradu Bikoitza bukatzen dudanean?
- Espezialista gisara enpresetan, erakunde publikoetan, aholkularitzako edo kontu-ikuskaritzako bulegoetan eta aholkularitza juridikoko bulegoetan.
- Ekintzailetzako jarduerak gauzatzean.
- Bai enpresen zuzendaritzaren eta bai zuzenbidearen arloko irakaskuntzan eta ikerketan.
- Abokatu eta epaitegietako prokuradore gisara, Abokatutzarako Sarbideko Unibertsitate Masterra eta lanbide horretarako gaitzen duen estatu-azterketa gainditu ondoren.
- Sartzeko oposizioa eskatzen duten lanbideetan (epailetza, fiskaltza, Ogasuneko ikuskaritza, etab.).
Zer master egiten ahalko ditut Enpresen Administrazioko eta Zuzendaritzako eta Zuzenbideko Gradu Bikoitza bukatzen dudanean?
- Unibertsitate Masterra Abokatutzarako Sarbidean (nahitaezkoa da abokatu aritzeko behar diren eskumen profesional arautuak eskuratzeko)
- Unibertsitate Master Bikoitza Abokatutzarako Sarbidean eta Zerga, Lan eta Kontabilitate Aholkularitzan
Beste master osagarri batzuk:
- Unibertsitate Masterra Enpresen Zuzendaritzan
- Unibertsitate Masterra, Enpresen Kudeaketan, Antolaketan eta Ekonomian
- Unibertsitate Masterra Informazio Sistema Integratuen bidezko Prozesuen Kudeaketan (ERP)
- Unibertsitate Masterra Ekonomia Zirkularrean
- Unibertsitate Masterra Ondare Zuzenbide Pribatuan
- Unibertsitate Masterra, Lan arriskuak Aurreikustean
- Unibertsitate Masterra Zerga, Lan eta Kontabilitate Aholkularitzan
- Unibertsitate Masterra International Businessen
Kontsultatu eskaintza osoa:
- Master ofizialak
- Gradua bukatutakoan, gainera, titulu bereki hauek egiten ahalko dituzu - Zientzia Juridikoen Arloa - Ekonomia eta Enpresa Arloa