Gradu eta masterreko nazioarteko mugikortasunerako deialdia 2025/2026

Deialdiaren xedea

Ikasleak aukeratzea 2025-2026 (*) ikasturtean atzerrian egonaldi akademiko bat egin dezaten, seihileko batekoa edo ikasturte osokoa, NUPeko mugikortasun programa hauen esparruan:

• Erasmus-Europa eta Erasmus-Herrialde elkartuak: Europako eta Europatik kanpoko unibertsitateetara joateko dira hurrenez hurren, eta irakasgaiak, praktikak eta IALa egitea dute helburu.
• Palafox (Latinoamerika), Martín de Rada (Asia), ISEP (mundu osoko herrialdeak) eta aldebiko hitzarmenak (mundu osoko herrialdeak): atzerriko unibertsitateetan irakasgaiak, praktikak eta IALa egitea dute helburu.
• Prestakuntza solidarioa: garapenerako lankidetzaren arloan praktikak edo IALa tokian bertan egitea dute helburu, erakunde hartzaile batek garatutako proiektu baten esparruan, hango unibertsitate batek koordinatuta eta babestuta.
• Erasmus praktikak: Europako enpresetan praktikak egitea dute helburu.

(*) Urtebeteko iraupena duten masterren kasuan, mugikortasuna 2024-2025 ikasturtean eginen da.

 Norentzat den

Graduko edo masterreko ikasleentzat. 

Gainera, graduko eskatzaileek honako hauek izan behar dituzte gaindituak:

• 2023-2024 ikasturtean matrikulatuak zeuzkaten kredituen % 60 gaindituak eduki behar dituzte NIBGMETeko, IITIGMETeko eta Osasun Zientzietako ikasleek.
• 2023-2024 ikasturtean matrikulatuak zeuzkaten kredituen % 80 Giza, Gizarte eta Hezkuntza Zientzien Fakultateko, Zientzia Juridikoen Fakultateko eta Ekonomia eta Enpresa Zientzien Fakultateko ikasleek.

Hizkuntza-maila akreditatzea

Titulazio bakoitzeko ikaspostuen eskaintzan ikaspostu bakoitzerako eskatutako hizkuntza-maila egiaztatu behar dute gutxienez ikasleek. Hizkuntza-maila egiaztatzeko, honako agiri hauetakoren bat gehitu beharko zaio online eskaerari:

1. Hizkuntzaren titulu edo ziurtagiri ofiziala, betiere Espainiako Unibertsitateetako Errektoreen Konferentziako hizkuntza-mahaietan jasoa badago.
2. Hizkuntza bateko maila jakin bat gainditu izanaren ziurtagiria, NUPeko Hizkuntzen Goi Mailako Ikastegiak emana.

Kasu hauetan, NUPek ofizioz egiaztatuko du ikasleen hizkuntza-maila, ikasleek dokumentaziorik aurkeztu beharrik gabe online:

• NUPeko Nazioarteko Programetan onartua izateko probak.
• Nazioarteko mugikortasuneko deialdirako proba espezifikoak
• Ikasleak, ikasketa-planean, atzerriko hizkuntzako irakasgai bat gainditua baldin badu, B1 hizkuntza-gaitasuneko maila edo goragokoa lortzeko egiaztatua.

Informazioa kontsultatzeko eta hizkuntza-prob(et)an matrikula egiteko, sartu Hizkuntzen Goi Mailako Ikastegiaren webgunean.

Baliteke unibertsitate hartzaileak hizkuntza-maila ziurtagiri jakin baten bidez egiaztatzeko eskatzea ikasleei (esate baterako, TOEFL, Cambridge edo halako baten azterketaren kalifikazio eskala jakin bat). Halakoetan, ikasleek eskatzen den ziurtagiria bidali beharko dute, behar den epean, mugikortasunean parte hartu nahi badute. Horrenbestez, hautatutako ikasleen ardura izanen da unibertsitate hartzailearen webgunea kontsultatzea eta onartuak izateko baldintzak egiaztatzea.

Hautaketa-irizpideak

Espediente akademikoa kontuan hartuta eginen da hautaketa, ikasle bakoitzari bere eskabidean adierazitako lehentasun ordenaren araberako ikaspostu bat emanez, dagokion hizkuntza maila egiaztatu ondoren eta titulazio horretan eskainitako destinoen zerrenda agortu arte.

Horretaz gainera, honako hauek gainditu behar dira 2024ko uztailaren 31rako:

• 48 ECTS mugikortasuneko 5. edo 6. seihilekoko ikaspostuetarako sarbidea izateko.
• 102 ECTS  mugikortasuneko 7. edo 8. seihilekoko ikaspostuetarako sarbidea izateko.
• 162 ECTS mugikortasuneko 9. edo 10. seihilekoko ikaspostuetarako sarbidea izateko.

% 33ko desgaitasuna edo handiagoa duten pertsonentzat % 5eko plaza-erreserba ezartzen da.

Xedeak 2025/2026 ikasturtea

Baliteke behin-behineko mugikortasun eskaintzan aldaketaren bat izatea deialdia ireki baino lehen.

Orientazio moduan, aurreko ikasturteko webgunea kontsulta daiteke.
 

Dirulaguntzak

Orientazio gisa baino ezin duzu kontsultatu HEMEN laguntza ekonomikoei buruzko testu-formatuko informazioa.

Era berean, orientazio gisa, laguntza ekonomikoei buruzko informazio-bideo bat kontsulta dezakezu HEMEN.

Deialdiaren oinarriak

Deialdiaren oinarriak

2. Eskaera

Epea: 2024ko urriaren 16tik 30era, biak barne. Lehenengo eguneko 8:30 etatik azken eguneko 23:59ra.

ON LINE ESKAERA

Pasahitza berreskuratu

Eskaera behar bezala burutzeko, "Grabatu" botoia sakatu behar duzu destinoak aukeratu ondoren.

Internet Explorer erabiliz gero, dokumentazioa erantsi ondoren eskatzaileak ezin du egiaztatu dokumentuak behar bezala kargatu ote diren, nahiz eta dokumentazioa grabatua geldituko den. Gainerako nabigatzaileetan, orria ongi bistaratuko da.

Eskaera bukatutakoan, eskaeraren kopia bat paperean edo PDF formatuan gordetzea gomendatzen da, deialdian parte hartzeko eskaera benetan egin dela justifikatzeko, grabatzean arazorik izanez gero.

Nola tramitatu

3. Onartuen eta hautatuen zerrendak 

Taula hau eguneratzeko dago.

Ikaspostu onartzea edo hari uko egitea

Onartzeko edo uko egiteko epea: 2025eko urtarrilaren 13tik 17ra

          ONARTU EDO UKO EGIN
 

Ikaspostuari epez kanpo uko egiteko agiri hau aurkeztu behar da Nazioartekotzeko eta Garapenerako Lankidetzako Bulegoan.

Bilera-informatiboak

Bilera-informatiboak (datak zehazteko daude)

Nazioarteko mugikortasuneko ikasleen gida 

• Orientazio gisa, aurreko ikasturteko gida kontsulta daiteke.
• Aukeratutako ikasleei informazioa emateko bideoa, HEMEN 

Ikasketa konpromisoa

Ikasleek ikasteko konpromisoa jasotzen duen agiri bat bete behar dute, eta mugikortasuneko arduradunaren eta titulazioko koordinatzailearen oniritzia izan behar du. Ikasteko konpromisoan adieraziko dira zer irakasgaitan matrikulatuko den ikaslea NUPen eta zein irakasgai eginen dituen unibertsitate hartzailean. Irakasgai horiei eginen zaie aitorpen akademikoa kredituak aitortzeko irizpideen arabera. 

Baldintza hauek betetzen ez dituzten ikasleek ezin izanen dute mugikortasunean parte hartu:

• seihilekoko mugikortasuna: konpromisoak 18 ECTS izan behar ditu gutxienez (edo 12 Prestakuntza Solidarioaren kasuan), eta matrikula berriko 42 ECTS gehienez, titulua lortzeko beharrezkoak.
• urteko mugikortasuna: 43 ECTS gutxienez eta matrikula berriko 72 ECTS gehienez, titulua lortzeko beharrezkoak.

Nola:  Ikasleentzako jarraibide teknikoak  
           Arduradunentzako eta koordinataileentzako jarraibide teknikoak 

IKASKETA KONPROMISOA

Betetzeko epe: (datak erabaki gabe)
Arduradunak eta koordinatzaileak konpromisoa baliozkotzea: (datak erabaki gabe)

Ikasketa-konpromisoa aldatzea. Mugikortasuneko programaren arduradunak eta titulazioaren koordinatzaileak oniritzia eman behar dute egindako aldaketak baliozkoak izan daitezen: Ikasketa-konpromisoa aldatzea EGUNERATU GABE

Kredituen aitorpena

Hezkuntzako eta Lanbide Heziketako Ministerioaren baliokidetasun taula orientagarria.

Beste betebehar batzuk

a) NUPeko Nazioartekotzeko eta Lankidetzko Atalak, Unibertsitate-Gizarte Fundazioak, eta/edo Unibertsitateak edo erakunde hartzaileak eskatutako dokumentazioa bete eta bidaltzea garaiz eta forman.

b) Atzerrian egonaldia egiteko behar den dokumentazioa, eta, beharrezkoa izanez gero, bisatua lortzea eta ordaintzea.

c) Atzerriko egonaldia estaliko duen gaixotasun-, istripu- eta gertakizun-aseguru bat kontratatu eta ordaintzea, Prestakuntza Solidarioaren esparruan hautatutako ikasleek izan ezik, haientzat Nafarroako Unibertsitate Publikoak berak kontratatu eta ordainduko baitu asegurua.

- Europakora joateko, aski da osasun txartel europarra edo horren baliokideren bat lortzea.

- Europar Batasunetik kanpo joan behar duten ISEP ikasleek ISEPek kudeatutako aseguru medikoa sinatu eta ordaindu beharko dute. Horren gutxi gorabeherako kostua hilean AEBetako 95 dolar da.

d) Honako betebehar hauek ere bete beharko dituzte ISEP programarako aukeratutako ikasleek:

- ISEPek ezarritako kopurua ordaintzea espedientea tramitatzeko. Kopuru hori zuzenean ordainduko zaio ISEPi bere web-orriaren bidez.

- NUPi ordaintzea NUPen bere lekua beteko duen ikasle atzerritarraren ostatu- eta mantenu-gastuetarako ezarritako zenbatekoa (600 €/hil). Horretaz gainera, aukeratutako ikasleak kudeatuta eta ordainduta izango ditu ostatua eta mantenua unibertsitate hartzailean.

e) Egonaldiaren ziurtagiria Nazioarteko eta Lankidetza Atalari ematea, helmugako unibertsitateak behar bezala sinatuta, mugikortasuna amaitu eta gehienez ere astebeteko epean.