Nekazaritzako Elikagaien eta Landa Ingurunearen Ingeniaritzako Graduaren Nazioarteko Programa
* Ez da matrikula gehiagorik onartzen
Treba zaitez arlo profesional hauetara bideratutako ingeniaritzan aritzeko: nekazaritzako elikagaiak, nekazaritza, lorezaintza, paisajismoa, abeltzaintza, landako azpiegiturak eta nekazaritzako elikagaien industria. Ikas ezazu nekazaritzako elikagaien enpresak eta ingeniaritzako proiektuak diseinatzen eta kudeatzen eta teknologia berriak erabiltzen, betiere ingurumena, natura, biodibertsitatea eta jasangarritasuna errespetatuz.
- Modalitatea: presentziala
- Hizkuntza: gaztelania (irakasgai batzuk euskaraz edo ingelesez egiten ahal dira)
- Kredituak: 240 ECTS
- Iraupena: 4 ikasturte (8 seihileko)
- Ikastegia: Nekazaritzako Ingeniaritzako eta Biozientzietako Goi Mailako Eskola Teknikoa
- Campusa: Iruñea (bisita birtuala)
- Instalazioak: Instalazio pilotua, laborategiak: Nekazaritzako Elikagaiak eta Zientziak
Aurkezpena
NBEren 2030 Agendaren Garapen Jasangarrirako Helburuekin bat datorren gradua.
Zergatik ikasi Nekazaritzako Elikagaien eta Landa Ingurunearen Ingeniaritzako Graduaren Nazioarteko Programa?
- Nekazaritzako Ingeniaritzaren arloak balio estrategiko handia izanen du etorkizunean.
- Lana lortzeko aukera asko ematen ditu; izan ere, Estatuko Enplegu Zerbitzu Publikoaren arabera, enplegurako aukerarik hoberenak izanen dituen jarduera da nekazaritza.
- Ingurumena, natura eta biodibertsitatea babesteko tresnak eskuratuko dituzu, baita ekoizpen-sistema jasangarriak garatzeko baliabideak ere.
- Nekazaritzaren sektoreari aplikatutako teknologia berriak erabiltzeko prestakuntza jasoko duzu.
- NIGMET Espainiako nekazaritza-ingeniaritzako eskola guztietan lehenbizikoa izan da gradu honetarako EUR-ACE akreditazio europarra lortzen.
Gradu hau egiteko moduak:
Espezializazioa
Gaitasunen inguruko prestakuntza
Hizkuntzak
Sarbide egokienak:
Ez da matrikula gehiagorik onartzen
Ikasleentzako laguntza
Zertan egiten ahalko dut lan Nekazaritzako Elikagaien eta Landa Ingurunearen Ingeniaritzako Graduaren Nazioarteko Programa bukatzen dudanean?
- Nekazaritzako elikagaien arloan ingeniaritzako sistemak eta kudeaketako sistemak garatzen.
- Labore berriak garatzen, eta daudenak hobetzen.
- Elikagaien kalitatea eta segurtasuna kudeatzen.
- Lurralde- eta landa-garapenaren eta ingurumen-eraginaren azterketak egiten.
- Nekazaritzako azpiegituren eta instalazioen proiektuak diseinatzen eta gauzatzen.
- Nekazaritzako elikagaien industriako ingeniaritza-proiektuak eta ekoizpen-prozesuak diseinatzen eta gauzatzen.
- Nekazaritzako elikagaien ustiategiak eta enpresak zuzentzen eta kudeatzen.
Zer master egiten ahalko ditut Nekazaritzako Elikagaien eta Landa Ingurunearen Ingeniaritzako Graduaren Nazioarteko Programa bukatzen dudanean?
- Unibertsitate Masterra Nekazaritzako Ingeniaritzan (nahitaezkoa da nekazaritzako ingeniari aritzeko behar diren eskumen profesional arautuak eskuratzeko)
Beste master osagarri batzuk:
- Unibertsitate Masterra Informazio Geografikoko Sistemetan eta Teledetekzioan
- Unibertsitatearteko Masterra Ingurumen Agrobiologian
- Unibertsitate Masterra Elikagaien Industriako Teknologian eta Jasangarritasunean
- Unibertsitate Masterra Kimika Sintetikoan eta Industrialean
- Unibertsitate Masterra Lurzoruen eta Uren Kudeaketan (biurtekoa)
Kontsultatu eskaintza osoa:
- Master ofizialak
- Gradua bukatutakoan, gainera, titulu bereki hauek egiten ahalko dituzu
Gaitasunak