Aurkezpena
NBEren 2030 Agendaren Garapen Jasangarrirako Helburuekin bat datorren masterra.
Zergatik ikasi Gizabanako, Familia eta Taldeekiko Esku-hartze Sozialeko Unibertsitate Masterra?
- Master titulu hau ikasiz gero, jarduera hauek egiteko gaitasuna edukiko duzu: politika sozialak era kritikoan aztertu, zerbitzu sozialen administrazioa eta kudeaketa ezagutu, komunitatean eraginkortasunez parte hartu hura garatzen laguntzeko, zerbitzu sozialak zintzoki balioetsi eta pertsonei arreta soziala eman era integralean.
- Masterrak orientazio bikoitza du:
- Profesionala (prestakuntza teoriko-praktikoa eta aplikatua): Gizarte Lanean, Gizarte Zerbitzuetan eta familiekiko, haurrekiko eta nerabeekiko esku-hartzean espezializatzeko aukera emanen dizu. Generoan espezializatutako prestakuntza ere eskuratzen ahalko duzu.
- Ikertzailea (aurrekoaren osagarria): zenbait arazo soziali aurre egitea eta esku hartzeko proiektuak diseinatzea ditu oinarri.
- Bi orientazioek, batez ere bigarrenak, Doktoretzako / Hirugarren Zikloko ikasketetarako sarbidea ematen dute.
Master hau hauekin batera egiten ahal duzu:
Gaitasunen inguruko prestakuntza
Hizkuntzak
Zer gradutatik sartzen ahal naiz Gizabanako, Familia eta Taldeekiko Esku-hartze Sozialeko Unibertsitate Masterrera?
- Gizarte Laneko Diplomatik edo Gradutik.
- Antzeko zientzietako diploma edo gradua, hala nola Gizarte Zientzietakoa, Giza Zientzietakoa, Zientzia Juridikoetakoa eta Osasun Zientzietakoa.
Zertan egiten ahalko dut lan Gizabanako, Familia eta Taldeekiko Esku-hartze Sozialeko Unibertsitate Masterra bukatzen dudanean?
- Esku-hartze sozialaren edo gizarte zerbitzuen esparruan, batez ere hirugarren sektoreko erakundeetan.
- Programa sozialen erantzukizuneko eta kudeaketako lanpostuak eskuratzen ahalko dituzu.
- Familiekin esku hartzeko espezializazioa aukeratzen baduzu, beharrezko tresnak izanen dituzu familiei, haurrei eta nerabeei gizarte-aholkularitza, bitartekaritza, prebentzioa eta babesa emateko.
- Generoan espezializatzea aukeratzen baduzu, genero-ikuspegiaren elementu metodologikoak gehituko dizkiozu zure praktika profesionalari, eta berdintasuneko agentearen figura ezagutuko duzu.
- Doktoretza-ikasketak egiten ahalko dituzu (adibidez, zure ikerketa-prestakuntzarekin jarraituz Gizarte Laneko Unibertsitatearteko Doktoretza Programaren barruan).
Ikaskuntzaren emaitzak / Gaitasunak
Kontsultatu ikaskuntzaren emaitzak (ikasketa-plana 7302)
Kontsultatu gaitasunak (ikasketa-plana 7301)
Sarbidea eta onarpena
Sartzeko baldintzak
Master ikasketa ofizialetara sartzeko, beharrezkoa izanen da Europako Unibertsitate Eremuko edo beste herrialderen bateko goi mailako hezkuntza erakunde batek emandako unibertsitate titulu ofizial bat edukitzea, titulua eman den herrialdean master ikasketetara sartzeko aukera ematen duena.
Masterraren irizpide espezifikoak
Masterreko Batzorde Akademikoa da, azken buruan, ikasleen onarpena zehazteko ardura duena. Irizpide hauek hartuko dira kontuan:
- Ikasketa espedientea: 4 puntu
- Masterrarekin loturiko lan esperientzia: 2 puntu
- Bestelako lan esperientzia: 1 puntu
- Beste titulu akademiko batzuk: 1 puntu
- Atzerriko hizkuntzak: 1 puntu
- Beste batzuk: 1 puntu
Aurreinskripzioa egitean, alegatzen diren merezimenduen fotokopiak atxiki behar dira.