Ikasleak

USPrako matrikula ikaslea Batxilergoa egiten ari den edo egin duen ikastetxean egiten da. Halaber, ikasleak adierazi behar du ea USPko irakasgaiez gain borondatezko faseko irakasgaiak ere matrikulatu nahi dituen unibertsitate publikoetan onartua izateko nota hobetzeko.

 

Baldintzak

USPa Nafarroan egiteko, baldintza hauek bete behar dituzte:

• Nafarroan egotea erroldatua.
• Batxilergoko titulua gaur egungoaren aurreko ikasturteetan lortu izana. Ikasturte honetan batxilergoko titulua lortzen dutenek ikasketak amaitu dituzten hezkuntza-administrazioaren lurralde-eremuan soilik egin dezakete USPa.

Matrikula

USPrako matrikula NUParen zerbitzuen katalogoan horretarako gaitutako prozeduraren bidez egingo da, ondoren aipatzen den dokumentazioa erantsita:

• Matrikularen inprimakia: USPren matrikula // Borondatezko faseko matrikula // USPren matrikula + Borondatezko fasea
• Nafarroan erroldatua egotearen ziurtagiri eguneratua.
• Batxilergoko titulua.
• Familia ugariaren edo gurasobakarraren txartela edo % 33ko edo hortik gorako desgaitasunaren ziurtagiria, halakorik izanez gero, matrikularen prezioa merkatzeko.
• Azterketan egokitzapenak edukitzeko eskaera, beharrezkoa bada, dagozkion txosten mediko eguneratuak gehituta.

Oharra: aurkeztutako agiriek ez badute sinadura elektronikorik, baliteke ikasleei geroago eskatzea haiek egiaztatzeko.

Matrikula egiteko egunak:

• Deialdi arrunta: 2025eko apirilaren 30eko 09:30etik maiatzaren 23ko 14:00ak arte.
• Deialdi berezia: 2025eko ekainaren 17ko 09:30etik ekainaren 20ko 10:00ak arte.

 

 

 

Batxilergoa Nafarroako ikastetxeren batean eta bi titulazioko erregimenean egin duten ikasleek –alde batetik LOMLOE Batxilergoa, eta bestetik Nazioarteko Batxilergoa edo Baccalauréat motakoa– USPa LOMLOE Batxilergo moduan bakarrik egiten ahal dute. USPra aurkeztu nahi badute, Batxilergoa egin duten ikastetxean eginen dute USParen matrikula (borondatezko fasearekin zein ez).

Ikasle hauek, unibertsitatera sartzeko nota bat badutenez, ez dute USPa egin beharrik:

 

• Europar Batasuneko estaturen bateko hezkuntza-sistemetatik datozen ikasleak, edo unibertsitaterako sarbidearen arloan elkarrekikotasunezko nazioarteko hitzarmenen bat sinatua duten beste estatu batzuetakoak, betiere ikasleek ongi betetzen badituzte haien hezkuntza-sisteman unibertsitatera sartzeko ezarriak dauden eskakizun akademikoak.
• Europar Batxilergoko titulua duten ikasleak, hau da, Europako Eskolen Estatutua ezartzen duen eta Luxenburgon 1994ko ekainaren 21ean sinatu zen Hitzarmeneko xedapenei jarraikiz titulua eskuratu dutenak.
• Nazioarteko Batxilergoko diploma lortu dutenak, Nazioarteko Batxilergoaren Erakundeak ematen duena (Genevan du egoitza, Suitzan).

Pertsona horiek aukera izanen dute Nafarroako Unibertsitate Publikoan ikaspostu bat eskatzeko, UNEDasiss-en akreditazioa  aurkeztuz eta aurreinskripzioaren atalean atalean adierazitako jarraibideei jarraituz.

 

Batxilergo homologatua duten atzerriko hezkuntza-sistemetatik datozen eta Nafarroan erroldatuta dauden ikasleek aukera hauek izango dituzte:

A aukera: UNEDasiss-era jo, unibertsitatean sartzeko nota lortzeko

B aukera: USPa eta/edo borondatezko fasea NUPen egitea

A aukera: UHUNera jo, unibertsitatean sartzeko nota lortzeko

Titulu hauetakoren bat dutenek UNEDasiss-era jo beharko dute unibertsitatera sartzeko nota lortzeko:

• Espainiako Hezkuntza Sistemako Batxilergoko tituluaren baliokide gisa homologatuak edo aitortuak dauden titulu, diploma edo ikasketak, Europar Batasunekoak ez diren eta unibertsitaterako sarbidearen arloan elkarrekikotasunezko nazioarteko hitzarmenik sinatua ez duten estaturen bateko hezkuntza-sisteman lortu edo egindakoak.
• Espainiako Hezkuntza Sistemako Batxilergoko tituluaren baliokideak diren titulu, diploma edo ikasketak, Europar Batasuneko estaturen bateko hezkuntza-sistemetan eginak, edo unibertsitaterako sarbidearen arloan elkarrekikotasunezko nazioarteko hitzarmenak sinatuak dituzten beste estatu batzuetan, baldin eta ikasle horiek ez badituzte betetzen haien hezkuntza-sisteman unibertsitatera sartzeko ezarriak dauden baldintza akademikoak.
• Lanbide Heziketako goi mailako teknikariaren, Arte Plastikoetako eta Diseinuko goi mailako teknikariaren edo goi mailako kirol teknikariaren Espainiako Hezkuntza Sistemako titulu ofizialen titulu, diploma edo ikasketa homologatuak, edo haien baliokide gisa aitortuta daudenak, Europar Batasunekoa ez den eta Batxilergoko titulua aitortzeko elkarrekikotasunezko nazioarteko hitzarmenik sinatua ez duten estaturen bateko hezkuntza-sisteman eskuratuak.

Behin Unibertsitatean onartua izateko nota eskuratuta UNEDasis-en, Nafarroako Unibertsitate Publikoko ikaspostu bat eskatzeko modua izanen du ikasleak. Nola egin jakiteko, aurreinskripzioaren atalean ditu jarraibideak.

B aukera: USPa eta/edo borondatezko fasea NUPen egitea

Baldintzak

•  Nafarroan erroldatuta egotea
• Batxilergoko tituluaren homologazioa edo baldintzapeko inskripzio-agiria.

Matrikula

USPrako matrikula NUParen zerbitzuen katalogoan horretarako gaitutako prozeduraren bidez egingo da, ondoren aipatzen den dokumentazioa erantsita:

•     Matrikula inprimakia:  USPren matrikula // Borondatezko faseko matrikula // USPren matrikula + Borondatezko fasea
•     Nafarroako errolda-ziurtagiri eguneratua
•     Batxilergo homologatua edo baldintzapeko inskripzioaren txartela
•     Familia ugariaren/guraso bakarreko familiaren txatela, edo %33ko edo gehiagoko desgaitasun-ziurtagiria, hala badagokio, matrikularen prezioaren kenkariak egiteko.
• Azterketetarako egokitzapenen eskaera, hala badagokio, dagozkien txosten mediko eguneratuekin.
   

Oharra: aurkeztutako dokumentuek ez badute sinadura elektronikorik , geroago eskatu ahal izango dira egiaztatzeko.

Izena eman ondoren, Sarrera, Beka eta Tituluen Atalak abonu-agiria bidaliko dizu ordainketa egiteko. Matrikulan, USPko ikasgaiez gain, unibertsitate publikoen onarpen-nota hobetzeko borondatezko faseko ikasgaiak matrikulatuko dituen ere adieraziko da.

Matrikula datak:

•  Ohiko deialdia: 2025eko apirilaren 30eko 9:30etatik maiatzaren 23ko 14:00etara
•  Ezohiko deialdia: 2025eko ekainaren 17ko 9:30etatik 20ko 10:00etara

 

 

Borondatezko faseko irakasgaien azterketak besterik ez egiteko, ikasleek Batxilergoa edo Goi Mailako Heziketa Zikloa egin duten ikastetxean egin behar dute matrikula.

Matrikula egiteko egunak:

• Deialdi arrunta: 2025eko apirilaren 30eko 09:30etik 2025eko maiatzaren 23ko 14:00ak arte.
• Deialdi berezia: 2025eko ekainaren 17ko 09:30etik ekainaren 20ko 10:00ak arte.

Baldintzak

USParen borondatezko fasearen matrikula besterik ez egiteko, baldintza hauek bete behar ditu ikasleak:

• Nafarroan egotea erroldatua.
• USPa edo Goi Mailako Heziketa Ziklo bat gaindituta izatea.
• Goi Mailako Heziketa Zikloa beste autonomia-erkidego batean egin eta ikasturte honetan bukatuko dutenek aukera dute NUPen matrikulatzeko, betiere egiaztatzen badute titulua badutela NUPeko matrikula-epea bukatu aurretik.

Matrikula

USPrako matrikula NUParen zerbitzuen katalogoan horretarako gaitutako prozeduaren bidez egingo da, ondoren aipatzen den dokumentazioa erantsita:

• Matrikularen inprimakia: Borondatezko faseko matrikula 
• Nafarroan erroldatua egotearen ziurtagiri eguneratua.
• USP gaindituaren kalifikazio orria, edo Goi Mailako Heziketa Zikloaren titulua.
• Familia ugariaren edo gurasobakarraren txartela edo % 33ko edo hortik gorako desgaitasunaren ziurtagiria, halakorik izanez gero, matrikularen prezioa merkatzeko.
• Azterketan egokitzapenak edukitzeko eskaera, beharrezkoa bada, dagozkion txosten mediko eguneratuak gehituta.

 Aurkeztutako agiriek ez badute sinadura elektronikorik, baliteke ikasleei geroago eskatzea haiek egiaztatzeko.

Matrikula egiteko egunak

• Deialdi arrunta: 2025eko apirilaren 30eko 09:30etik 2025eko maiatzaren 23ko 14:00ak arte.
• Deialdi berezia: 2025eko ekainaren 17ko 09:30etik ekainaren 20ko 10:00ak arte.

 

Nafarroako ikastetxeren batean Nazioarteko Batxilergoa edo Baccalauréat ikasketak LOMLOE Batxilergoarekin batera titulu bikoitzeko araubidean egin dituztenek aukera izanen dute borondatezko fasea NUPen egiteko, nahiz eta ez duten USPa egin LOMLOE Batxilergo modura. Borondatezko fasea egin nahi badute, Batxilergoa egin duten ikastetxean eginen dute matrikula.

Matrikula egiteko egunak:

• Deialdi arrunta: 2025eko apirilaren 30eko 09:30etik maiatzaren 23ko 14:00ak arte.
• Deialdi berezia: 2025eko ekainaren 17ko 09:30etik ekainaren 20ko 10:00ak arte.

Borondatezko fasea soilik egin nahi duten ikasle hauek matrikulatzen ahalko dira NUPen:

• Europar Batasuneko estaturen bateko hezkuntza-sistemetatik datozen ikasleak, edo unibertsitaterako sarbidearen arloan elkarrekikotasunezko nazioarteko hitzarmenen bat sinatua duten beste estatu batzuetakoak, betiere ikasleek ongi betetzen badituzte haien hezkuntza-sisteman unibertsitatera sartzeko ezarriak dauden eskakizun akademikoak.
• Europar Batxilergoko titulua duten ikasleak, hau da, Europako Eskolen Estatutua ezartzen duen eta Luxenburgon 1994ko ekainaren 21ean sinatu zen Hitzarmeneko xedapenei jarraikiz titulua eskuratu dutenak.
• Nazioarteko Batxilergoko diploma lortu dutenak, Nazioarteko Batxilergoaren Erakundeak ematen duena (Genevan du egoitza, Suitzan).

Baldintzak

Nafarroan borondatezko faserako bakarrik matrikulatu nahi dutenek baldintza hauek bete behar dituzte:

• Nafarroan egotea erroldatua.
• UNEDasiss-en akreditazioa indarrean izatea, edo hura eskatu izanaren agiria.

Matrikula

Borondatezko faserako bakarrik matrikulatu nahi duten ikasleek  NUParen zerbitzuen katalogoan horretarako gaitutako prozeduraren bidez egingo da, ondoren aipatzen den dokumentazioa erantsita:

• Matrikularen inprimakia:  Borondatezko faseko matrikula 
• Nafarroan erroldatua egotearen ziurtagiri eguneratua.
• UHUNen akreditazioa, edo hura eskatu izanaren agiria.
• Familia ugariaren edo gurasobakarraren txartela edo % 33ko edo hortik gorako desgaitasunaren ziurtagiria, halakorik edukiz gero, matrikularen prezioa merkatzeko.
• Azterketan egokitzapenak edukitzeko eskaera, eta, harekin batera, beharrezkoa bada, behar diren txosten mediko eguneratuak.

 Aurkeztutako agiriek ez badute sinadura elektronikorik, baliteke ikasleei geroago eskatzea haiek egiaztatzeko.

Matrikula egiteko egunak

• Deialdi arrunta: 2025eko apirilaren 30eko 09:30etik 2025eko maiatzaren 23ko 14:00ak arte.
• Deialdi berezia: 2025eko ekainaren 17ko 09:30etik ekainaren 20ko 10:00ak arte.

Titulu hauetakoren bat lortu, eta, beraz, unibertsitatean sartzeko proba egitetik salbuetsiak ez daudenek UNEDasiss-era jo beharko dute unibertsitatera sartzeko beren nota lortzeko. Orobat, UNEDasiss-era jo beharko dute borondatezko fasearen kalifikazioak lortzeko, eta, hala, unibertsitatean onartua izateko nota hobetzeko:

• Espainiako Hezkuntza Sistemako Batxilergoko tituluaren baliokide gisa homologatuak edo aitortuak dauden titulu, diploma edo ikasketak, Europar Batasunekoak ez diren eta unibertsitaterako sarbidearen arloan elkarrekikotasunezko nazioarteko hitzarmenik sinatua ez duten estaturen bateko hezkuntza-sisteman lortu edo egindakoak.
• Espainiako Hezkuntza Sistemako Batxilergoko tituluaren baliokideak diren titulu, diploma edo ikasketak, Europar Batasuneko estaturen bateko hezkuntza-sistemetan eginak, edo unibertsitaterako sarbidearen arloan elkarrekikotasunezko nazioarteko hitzarmenak sinatuak dituzten beste estatu batzuetan, baldin eta ikasle horiek ez badituzte betetzen haien hezkuntza-sisteman unibertsitatera sartzeko ezarriak dauden baldintza akademikoak.
• Lanbide Heziketako goi mailako teknikariaren, Arte Plastikoetako eta Diseinuko goi mailako teknikariaren edo goi mailako kirol teknikariaren Espainiako Hezkuntza Sistemako titulu ofizialen titulu, diploma edo ikasketa homologatuak, edo haien baliokide gisa aitortuta daudenak, Europar Batasunekoa ez den eta Batxilergoko titulua aitortzeko elkarrekikotasunezko nazioarteko hitzarmenik sinatua ez duten estaturen bateko hezkuntza-sisteman eskuratuak.

Behin UNEDasiss-en kalifikazioak eskuratu ondoren, NUPeko ikaspostu bat eskatzeko modua izanen du ikasleak. Nola egin jakiteko, aurreinskripzioaren atalean ditu jarraibideak.