Ikasleak
Unibertsitatean Sartzeko Proba (USP)
USPa Batxilergoa amaitu duten ikasleek egin beharreko proba da, zeinak helburu baitu ikasketetan lortutako heldutasun akademikoa eta ezagutzak baloratzea, baita unibertsitateko ikasketetan ibilbide arrakastatsua izateko gaitasuna ere. Batxilergoko ikasleek USPa gainditu behar dute unibertsitatean sartzeko. Unibertsitate publikoetan sartzeko nota hobetu nahi izanez gero, borondatezko fasea egiten ahalko da.
USPa egitetik salbuetsita dauden ikasleak borondatezko fasera aurkezten ahalko dira unibertsitate publikoetan sartzeko nota hobetu ahal izateko. Honako hauek dira ikasle salbuetsiak:
- Goi Mailako Heziketa Zikloren bat gainditu duten ikasleak.
- Hauetakoren baten diploma duten ikasleak: Nazioarteko Batxilergoa, Europar Batxilergoa edo Europar Batasuneko edo nazioarteko akordioa duten beste estatu batzuetako hezkuntza-sistemetakoa.