Antolamendua

Inés Olaizola Nogales (Gasteiz, 1966). Zuzenbidean lizentziaduna da Deustuko Unibertsitatean (1989), eta espezialitate juridiko eta ekonomikoa egin zuen. Enpresen Aholkularitza Juridikoa eta Praktika Juridikoaren Eskola izeneko masterra ere egin zuen Deustuko Unibertsitatean (1990).

Friburgoko Unibertsitateko Institut für Kriminologie und Wirtsschaftsstrafrectht institutuan doktoretza aurreko hainbat egonaldi egin eta gero (1992-1993 ikasturtean eta 1994an), Nafarroako Unibertsitate Publikoan defendatu zuen bere tesia 1997an. 1997-1998 ikasturtean doktoretza ondoko egonaldi bat egin zuen Augsburgeko Unibertsitatean, eta 1999an Zigor Zuzenbideko irakasle titularraren lanpostua eskuratu zuen Nafarroako Unibertsitate Publikoan.

2011an Nafarroako Unibertsitate Publikoko Zigor Zuzenbideko Katedra eskuratu zuen. Zigor Zuzenbidearen hainbat alderdi jorratzen dituzten hainbat monografia eta artikulu egin ditu. Bere ikerketa-lerroak askotarikoak izan dira, baina gai hauei buruz egin dituen ikerketak dira nabarmentzekoak: ustelkeria, alderdi politikoen finantzaketa, genero indarkeria, pertsonen salerosketa eta trafikoa eta langileen eskubideen kontrako delituak.

Nafarroako Unibertsitate Publikoko idazkari nagusia izan da 2015etik 2019ra bitartean, eta Hauteskunde Batzorde Nagusiko kide 2017ko azaroaz geroztik.

Arantzazu Villanueva Larre
Tel: 948 16 9143
Helbide elektronikoa: area.profesorado@unavarra.es

Arantzazu Villanueva Larrek (Iruñea, 1974) Nafarroako Unibertsitate Publikoan lortu zuen Telekomunikazio Ingeniaritzako titulua 1998an, eta unibertsitate berean doktoretza 2005. urtean.

1998an hasi zen lan egiten Nafarroako Unibertsitate Publikoan, irakasle elkartu bertako Ingeniaritza Elektriko eta Elektronikoko Sailean, Seinalearen Teoria eta Komunikazioak irakasgaia emanez. Gaur egun saileko irakasle kontratatu doktorea da.

Ingeniaritza Biomedikoko ikerketa taldeko kidea da. Zazpi ikerketa-proiektutan lan egin izan du, eta beste bitan zuzendaria izan da. Bestalde, Nafarroako Unibertsitate Publikoan, COGAIN (Communication by Gaze Interaction) Europako Bikaintasun Sareko (NoE) arduraduna izan zen, VI. Esparru Programaren barruan garatu zena, Europako 22 zentrotako ikertzaileen parte hartzearekin.

Villanuevak hainbat tesi zuzendu ditu, lan batzuk argitaratu ditu oihartzun handiko aldizkarietan eta liburuetako zenbait kapitulu idatzi ditu. Horretaz gain, ikerketa-egonaldiak egin ditu Danimarkako eta Kanadako unibertsitateetan.