Gradua Datuen Zientzian
Teknologia berriak eta matematika atsegin badituzu eta makina eta algoritmo adimendunen garapena ulertu nahi baduzu, Datuen Zientzia da bila zabiltzan diziplina. Ezagut itzazu datuak analizatzeko eta modelatzeko teknikak, gara itzazu askotariko problemen analisirako programa eta algoritmo adimendunak, eta ikas itzazu big datako eta deep learningeko teknika modernoenak. Azken batean, espezializa zaitez adimen artifizialeko tekniketan, etorkizuneko sistema adimendunak ulertu, diseinatu eta modelatzeko.
- Modalitatea: presentziala
- Hizkuntza: gaztelania
- Kredituak: 240 ECTS
- Iraupena: 4 ikasturte (8 seihileko)
- Postuak: 30
- Arduradun akademikoa: Carlos López Molina
- Ikastegia: Nekazaritzako Ingeniaritzako eta Biozientzietako GMET
- Campusa: Iruñea (bisita birtuala)
- Informazio gehiago: unibertsitatea erakusteko egunak (bideoa)
Aitorpenak eta ikasten jarraitzeko aukerak
Matrikula
- Irakasgaietan matrikula egitean, ordena sekuentzial bati jarraitu behar zaio.
- Ikasleek kreditu kopuru desberdinetan egiten ahal dute matrikula, ikasketa-arduraldiaren arabera (partziala, osoa, murriztua).
Errendimendu akademikoa eta iraupena
- NUPeko Gizarte Kontseiluak 2015eko ekainaren 1ean onetsi zituen Unibertsitatean irauteko arauak.
- Iraupen-araubidea betetzen ez duten ikasleek eskabide bat aurkezten ahalko dute, Iraupen Batzordeari zuzendua (prozedura)
Kredituen balioa aitortzea eta transferitzea
Kredituen balioa aitortzea: Titulu ofizial bat lortzeari begira, Nafarroako Unibertsitate Publikoak honako hauek onartzen ditu, baita ikaslearen espedientean erantsi ere:
- NUPeko edo beste unibertsitate bateko ikasketa ofizialetan eskuratutako kredituak.
- Goi mailako beste ikasketa ofizial batzuetan edo bestelako tituluak lortzera bideratutako unibertsitateko ikasketetan egindako kredituak (Unibertsitate Sistemari buruzko 2023ko martxoaren 22ko Lege Organikoaren 7.2 artikuluan aipatzen dira).
- Egiaztatutako lan edo lanbide esperientzia, baldin eta lotua badago tituluari datxezkion gaitasunekin.
Hiru atal horietarako kredituak aitortzeko informazioa eta prozedura
- Prestakuntza osagarriko kredituak. Informazioa eta prozedura
Aitorpen hori egin eta gero, aitortutako kreditu kopuru hori kendu eginen zaio ikasleak destinoko titulazioan gainditzeke duen kreditu kopuruari.
Kredituen balioa transferitzea: ikasle bakoitzak egindako ikasketak egiaztatzen dituzten agiri akademiko ofizialetan, idatziz jasotzen dira ikasleak ikasketa ofizialetan ordura arte lortu dituen eta titulu ofizial bat lortzera bideratu ez duten kreditu guztiak, bai Nafarroako Unibertsitate Publikoan bai Europako Unibertsitate Eremuko beste unibertsitate batzuetan egindakoak.
Araudi akademikoari buruzko informazio gehiago Nafarroako Unibertsitate Publikoko Graduko Ikasketen Arauetan.