Doktoretza Osasun Globalean: Faktore erabakigarriak eta Giza Osasunaren, Animalien Osasunaren eta Ingurumenaren Osasunaren interakzioa
Lor ezazu ikerketako prestakuntza aurreratua osasunaren arloan, pertsonen, animalien eta ingurunearen arteko mendekotasun eta oreka gisa ulertuta. Azter itzazu sakonki osasunarekin lotutako faktoreak diziplina anitzeko ikuspegi global batetik. Campus Iberusen doktoretza-programa bat da hau.
- Jakintza-arloa: Osasun Zientziak
- Ikaspostuak: 7 ikaspostu programa ezartzen den urtean, eta 8 hortik aurrera
- Programaren koordinatzaileak: Roberto Aguado Jiménez eta María Jesús Pumar Méndez
Informazio akademikoa
Arduraldia eta ikasten jarraitzeko aukerak
- Arduraldi osoko ikasketak: lau urte igarotzen ahalko dira gehienez doktoregaiak programan matrikula egiten duenetik doktoretza-tesia gordailutzen duen egunera arte.
- Arduraldi partzialeko ikasketak: batzorde akademikoak baimena ematen ahalko du programa gehienez zazpi urtean egiteko, matrikularen egunetik zenbatzen hasita.
- % 33ko edo hortik gorako desgaitasuna dutenak: doktoretzako ikasketek sei urte iraunen dute gehienez arduraldi osoan eginez gero, eta bederatzi urte arduraldi partzialean eginez gero.
- Beste kasu batzuk: doktoretzako ikasketen iraupenaren epemugaren zenbaketa eten eginen da aipatutako epe horietarako, baldin eta kasu hauetakoren batean egonez gero: aldi baterako ezintasuna, jaiotza, adopzioa, adoptatu aurretik umea etxean hartzea, adingabeen harrera, arrisku handiko haurdunaldia, bularra emateko arriskua eta genero indarkeria edo araudi indardunean jasotako beste edozein egoera.