Doktoretza-prozesua

Oro har, doktoretza-programa ofizial batean sartzeko, beharrezkoa da Espainiako graduko titulu ofizialak edo baliokideak eta unibertsitate masterreko titulu ofizialak edo baliokideak izatea eta izangaiak osotara gutxienez 300 ECTS kreditu izatea gaindituak.

Honako hauek dituztenek ere badute doktoretza egiteko aukera:

• Espainiako titulu unibertsitarioak edo baliokideak, betiere izangaiak ikasketetan oro har gutxienez 300 ECTS gainditu baditu eta MECESeko 3. maila duela egiaztatzen badu.
• Europako Unibertsitate Eremuko tituluak, betiere izangaiak MECESeko 7. maila egiaztatzen badu eta tituluak doktoretzarako sarbidea ematen badu hura eman duen herrialdean.
• Atzerriko tituluak, Europako Unibertsitate Eremutik kanpokoak. Aldez aurretik, unibertsitateak egiaztatu beharko du tituluak Espainiako masterraren pareko prestakuntza-maila egiaztatzen duela eta doktoretzarako sarbidea ematen duela hura eman duen herrialdean.
• Beste doktoretza-titulu bat.
• Bi urteko prestakuntza Osasun Zientzietako espezialitateren bateko titulu ofiziala lortzeko programaren batean.

Bolonia aurreko tituluak

• A10/2015 Erabakia, doktoretza-programetan 1393/2007 Errege Dekretua baino lehenagoko tituluekin sartzeari buruzkoa
• A05/2019 Erabakia, A10/2015 Erabakia aldatzen duena –aldatzen duen erabaki hori doktoretza-programetan 1393/2007 Errege Dekretua baino lehenagoko tituluekin sartzeari buruzkoa zen–.

Koordinatzaileak tesiaren zuzendariaren bilaketan gidatuko zaitu

Eskaera urte osoan egin daiteke. Matrikula egiteko epea eta onarpenaren indarraldia zein diren jakiteko, kontsultatu   2023-2024 eta 2024-2025 ikasturteetako egutegi akademikoa.

Onartua izateko eskaera bidali beharko duzu pdf konbinatu batean, dokumentu guztiak behar bezala ordenatuta, helbide honetara: escuela.doctorado@unavarra.es

Dokumentazioa:

• Eskabide orria (jatorrizko sinadurarekin)
• Motibazio gutuna ezaugarri hauek dituena:
  • Behar bezala betea egon behar da, eta orrialde guztietan sinatua. Zuzendaririk ez baduzu, jarri harremanetan programaren koordinazio arduradunarekin
  • Tesi zuzendarien, tutorearen (tutorerik izanez gero), saileko zuzendariaren eta ikerketa-taldeko arduradunaren sinadurak originalak izan behar dute. Tesi zuzendariek eta tutoreek ikerkuntzan esperientzia egiaztatua duten doktoreak izan behar dute
  • Baldin eta Nafarroako Unibertsitate Publikotik kanpoko zuzendaririk baduzu, harekin harremanetan jartzeko datuak eman beharko dituzu.
  • Egin beharreko ikerketaren proposamen labur bat gehitu beharko duzu, emandako jarraibideen arabera idatzia. Hauek ere aurkeztu behar dituzu.
• NANa, AIZa edo pasaportea
• Graduko eta masterreko tituluak, edo haien baliokideenak, doktoretzako ikasketetan sartzeko baldintzak betetzen dituzula egiaztatzen dutenak.
• Doktoretza egiten hasteko behar den titulu(ar)en espediente akademikoak.
• Atzerriko tituluetarako, beharrezkoa da noten baliokidetza frogatzen duen agiria aurkeztea, Zientziaren, Berrikuntzaren eta Unibertsitateen Ministerioak emana Zientziaren, Berrikuntzaren eta Unibertsitateen Ministerioak emana
• Curriculum vitaea
• Atzerriko tituluetarako beharrezkoa da tituluak eman dituen herrialdean doktoretzarako sarbidea ematen duen ziurtagiria
• Ikertzaile entzutetsuen gomendio gutunak (halakorik edukiz gero)

Matrikula egiteko baldintza gisa bekaren bat edo laguntzaren bat jasotzea jartzen baduzu, deialdiaren datuak eman behar dituzu aditzera.

Doktoretza-ikasketetan onartua izatea ezinbestekoa bada beka batera aurkezteko, jakitera eman behar duzu hori ere.

Eskabidea jaso eta hilabeteko epean, Batzorde Akademikoak ebazpena emanen du, eta onartu bazaituzte:

• tutore bat esleituko dizu.
• matrikulatzeko egunak zein diren esanen dizu.
• prestakuntza-osagarriak esleituko dizkizu, beharrezkotzat jotzen badu

Batzorde Akademikoak emandako ebazpena NADOEk jakinaraziko dizu.

Matrikula formalizatu aurretik, tesia egiteko konpromisoa aurkeztu behar duzu NADOEn, zuzendariak sina dezan (hor ageri diren datuak doktoretza-programan onartua izateko eskaeran aurkeztutako datu berak izan behar dira).

Onartu zaituztela jakinarazten dizutenean, honako hau egin beharko duzu:

LEHENBIZIKO MATRIKULA

Graduondoko Bulegoan egin beharko du doktoregaiak lehenbiziko matrikula (Soforak eraikina, posgrado@unavarra.es, 948 169 710), egutegi akademikoan ezarritako epeetan)

Aurkeztu beharreko dokumentazioa:

    Graduko eta masterreko tituluen kopia konpultsatuak, edo haien baliokideenak, doktoretzako ikasketetan sartzeko baldintzak betetzen dituzula egiaztatzen dutenak.
    Tesia egiteko konpromisoaren dokumentua, alderdi guztiek sinatua.
    Matrikularen salbuespenen, hobariren edo doakotasunen bat egiaztatzen duen dokumentua.

Atzerriko ikasketak dituzten eskatzaileek dokumentazioa gaztelaniara itzulita eta behar bezala legeztatuta aurkeztu beharko dute.

Lehenbiziko matrikulan ordaindu beharrekoak espedientearen irekieraren, kudeaketa akademikoaren eta tutoretza akademikoaren prezio publikoak dira. Otsailean eginez gero, tutoretza akademikoaren prezioaren erdia ordaindu behar da. Halaber, beharrezkoa bada, esleitzen zaizkion prestakuntza-osagarriak horiek eginen dituen ikasturtean hartu beharko ditu ikasleak matrikulan.

Matrikula bakoitza dagokion ikasturtean egonen da indarrean.

Lehenbiziko matrikularen datak definituko du noiz hasten den doktoretza-tesia egiteko gehieneko epea.

Doktoretza-programa batean onartutako ikasleek, matrikula egiteko baldintza gisa bekaren bat jasotzea jartzen badute eta hura esleitzen badiete, matrikula egiaztatu beharko dute behin betiko esleipenaren argitalpenean zehazten den epean.

Noiz egin behar dut doktoretzaren matrikula?

Non matrikulatu behar dut?

Zenbat balio du matrikulak?

Lortzen ahal dut doktoretza-beka bat?

Kontsultak eta zalantzak

• Doktoretzaren matrikulari buruzko zalantzak: 
  • Aurrez aurre NUPeko Graduondoko Atalean
  • mezu elektroniko bat bidaliz helbide honetara: posgrado@unavarra.es
• Bestelako zalantzak: 
  • Telefonoz 948 16 60 06  edo 948 16 79 65
  • Posta elektronikoaren bidez helbide honetara: escuela.doctorado@unavarra.es