Bestelako tramiteak

Noiz eskatzen ahal den

Ikasle batek azterketa eguna aldatzeko eskaera egin dezake, baldin eta:

• Klaustroaren, Gobernu Kontseiluaren, Gizarte Kontseiluaren, Ikastegiko Batzordearen edo Saileko Kontseiluaren bilera eta azterketa egun berean badira, eta ikaslea deialdia egin duen organoko kidea bada.
• Ikaslea egiten ari den titulazioko bi azterketa edo gehiago egun eta ordu berean badira. Irakasgaiek lehentasun ordena hau izanen dute: oinarrizko prestakuntza (1.a), nahitaezkoa (2.a) eta aukerakoa (3.a.). Bi irakasgaiak maila berekoak badira, beheragoko seihilekokoa izanen da aldatuko ez dena.
• Goi mailako edo Unibertsitateko kirol lehiaketak eta azterketa egun berean badira, NUPek ofizialki parte hartzen badu horietan eta ikaslea NUPen ordezkaria bada.
• Mugikortasun programetan dauden ikasleen kasuan, unibertsitate hartzailearen egutegia eta mugikortasunetik kanpoko seihilekoaren ebaluazio aldia aldi berean badira.
• Beste edozein, irakasle arduradunaren iritziz nahikoa bada.

Prozedura

• Beste egun bat ezarriko da, irakasleen eta interesdunaren artean adostua.
• Adostasunik ez bada, ikasleak egun aldaketa dagokion dekanoari edo ikastegiko zuzendariari eskatuko dio, eta hark gehienez 10 eguneko epean erabakiko du.

• Nola tramitatu
• NUPeko ebaluazio prozesuen arauak

• Azterketara agertu izanaren agiria behar duenak campusetako beheko solairuko zerbitzu orokorren erakusmahaian eskatzen ahal du.
• Badago agiria deskargatzeko aukera ere.
• Behin bete ondoren, dagokion irakasleak sinatu behar du.

Desgaitasun baten, ikaskuntzaren nahasmenduaren eta arreta defizitaren eta hiperaktibitatearen nahasmenduaren (ADHN) ondorioz premia bereziak dituzten ikasleek gainerako ikasleek dauzkaten berme berak izanen dituzte beren ebaluazio prozesuetan.

Prozedura

• Ikasleek Gizarte Ekintzarako Unitateari emanen diote beren egoeraren berri.
• Gizarte Ekintzarako Unitateak egoera aztertu, eta egokitzat jotzen dituen baliabide, mekanismo edo laguntzak ezarriko ditu.

Egokitzapenak

Egokitzapenak kasuaren balorazio indibidualaren arabera aplikatuko dira, eta inoiz ez dute ekarriko eskatutako maila akademikoa jaistea.

Egokitzapenak honako hauek izan daitezke:

• Metodologiak
• Laguntza teknikoak erabiltzea
• Azterketaren denbora aldatzea
• Egutegi akademikoa malgutzea
• Beste jarduketa batzuk

• Nola tramitatu
• NUPeko ebaluazio prozesuen arauak
   

• Ebaluazioaren azken proba berrikusi ondoren ez badago kalifikazioari buruzko adostasunik, errekurtsoa aurkezten ahal da.
• Prozedura hau graduko eta masterreko ikasketetan da aplikatzekoa.
• Nola: dagokion sailaren zuzendariari zuzendutako idazki arrazoitua.
• Epea: 2 egun baliodun, berrikusten denetik.
• Ebazpena: saileko hiru kidek osatutako epaimahai batek ebatziko du errekurtsoa, gehienez ere 10 eguneko epean. Epaimahaian ezin izanen da egon irakasgaia ematen duen irakaskuntza-taldeko irakaslerik.
• Errekurtsoak: ebazpenaren aurka zilegi da gora jotzeko errekurtsoa jartzea, errektoreari zuzendua. Gora jotzeko errekurtsoa jartzeak ez du geldiaraziko aktak betetzeko eta entregatzeko prozedura.

• Nola tramitatu
• NUPeko ebaluazio prozesuen arauak

Zertan datzan

• Ikasketen amaiera aurreratzeko, eskatzen ahal da udaberriko seihilekoko (ekaina) irakasgai baten ebaluazioa otsaileko deialdian egitea.
• Deialdia aurreratzea gainditzeko dauden kreditu guztietarako eskatzen da.
• Ebaluazio proba aurreratzea eskatzen duten ikasleak proba egiten den aldian irekiko den akta berezi batean jasoko dira.
• Prozedura hau graduko eta masterreko ikasketetan da aplikatzekoa.

Baldintzak

• Gainditu gabe izatea ikasketa-planeko kredituen % 10 gehienez ere (Ikasketa Amaierako Lana kontuan hartu gabe).
• Gainditzeko gauden kredituak aurretik matrikulatuak eta ebaluatuak izatea, gutxienez deialdi batean.
• Gehienez 12 ECTS aurreratzeko eskatzea.

Epea:

2024ko azaroaren 4tik 8ra

• Nola tramitatu
• NUPeko ebaluazio prozesuen arauak

Zertan datzan

• Ikasle batek dituen azken deialdietako ebaluazioa epaimahai batek egin dezala eskatzea.
• Irakasgaiaren irakaskuntza atxikia daukan saileko hiru irakaslek osatuko dute epaimahaia. Ebaluazio araudiarekin bat etorriz osatu eta izendatuko da epaimahaia.

Zertan datzan

• Zenbait kasutan, graduko edo masterreko irakasgai bat konpentsazioaren bidez gainditzen ahal da.
• Konpentsazioaren bidez gainditu nahi den irakasgaia baldintza guztiak betetzen baditu, gainditutzat jotzen da.
• Ikaslearen espedientean irakasgai hori sistema horren bidez gainditu dela adieraziko da. Konpentsazioaren bidezko gai kalifikazioa "Gai 5,0" kalifikazioaren baliokidea da.

• NUP eta ni
• NUP zure sakelakoan