Transferentzia

Bezero nagusiak

ISC institutuak 3,3 milioi euro baino gehiago fakturatu ditu transferentzia teknologikoko kontratuen bidez 2012-2016 aldian:

• Energiaren sektorea: Gamesa, Acciona, Jofemar edo Ingeteam. 
  Aurrerapenak egin ditugu zenbait arlotan, besteak beste: energiaren sorrera sistema eoliko eta fotovoltaikoetan, energia berriztagarrien eta biltegiratze elektrikoko sistemen sareko integrazioa eta banatutako zuntz optikoko sentsoreen erabilera zentral hidroelektrikoetan erabiltzen diren ur-kanalak monitorizatzeko.
• Telekomunikazioen sektorea: Naudit, Indra edo Anteral.
  Zenbait jarduketa egin ditugu, hala nola terahertzen mailako osagaiak, sentsoreak eta antenak diseinatu, wifi sareetako esperientziaren kalitatea ziurtatu edo prestazio handiko sareak monitorizatzeko arkitekturak diseinatu.
• Industriaren sektorea: Azcoyen, Chatarras Iruña, Grupo Antolin eta Orbital Aeroespace.
  Jarduketa hauek egin ditugu, besteak beste: hari gabeko energia transmititzeko azpisistema induktibo eta kapazitiboak analizatu, aztertu, diseinatu eta inplementatu, eta bibrazio-seinaleak modelatu eta prozesatu Engranaje Planetarioetan akatsak aurreikusteko eta diagnostikatzeko. Izan ere, engranaje horiek asko erabiltzen dira sektore aeronautikoan, automobilgintzan, energia eolikoaren sorkuntzan, etab.
• Ingurumenaren sektorea: Hiri-jariatzerako hiri-drainatze sistema jasangarriak diseinatzen lagundu genion.
• Administrazio publikoaren sektorea: Eskualdeetako gobernuen sailak, udalak, ENAC, barne hartuta laborategiak eta entitateak ebaluatzeko emandako laguntza teknikoa eta kolaborazioa, auditore tekniko gisa jardunez.
• Beste batzuk: OEE, ENAC, FNF edo i3i sistemak.
  Software sistemak garatu ditugu enpresen betekizunetara egokituz plataformei dagokienez (Android, iOS, Windows,...), teknologiei dagokienez (software txertatua, webgunea, hodeiko konputazioa) eta helburu komertzialei dagokienez (gidatze autonomoa, gomendio sistemak, kudeaketa-sistemak, hezetasun sentsoreak).