NADOE - Nafarroako Doktoretza Eskola

UNITA Aliantzaren esparruan, taldeko ekintzailetzari buruzko ikastaro bat antolatu dugu. Hona hemen datu garrantzitsuenak::

• Doakoa da.
• 2 ECTS baliokidetzeko balio du (doktoretzako zeharkako prestakuntzako 6 POB).
• Ingelesez emanen da.
• Online formatua izanen du (saioak grabatu egiten dira; beraz, zuzenean edo beste une batean egiten ahal dira).
• Moduluetako irakasleak partzuergoko unibertsitateetako irakasleak izanen dira.
• Ekintzailetzari loturiko gaiak landuko dira, baina baita sektore espezifiko batzuetako aukerei buruzkoak ere.
• Hasiera-eguna: urtarrilaren 23a. Bukaera-eguna: otsailaren 20a.
• Doktoretzako ikasleei, masterreko azken ikasmailako ikasleei eta ikertzaileei zuzendua dago.

Hemen topatuko duzue informazio guztia eta izena emateko modua: https://en.unito.it/international-relations/unita-universitas-montium/unita-erasmus-blended-intensive/one-step-beyond

Ikastaroaren ondoren, deialdi bat eginen da start-up enpresak hasi eta sendotzeko dirulaguntzak emateko, eta, eskaerak ebaluatzeko, puntuazio altuagoa emanen zaie ikastaroa egin duten pertsonei.

Epeak eta formatua direla-eta, behin ikastaroa hasi ondoren ere aukera egonen da izena emateko.

UNITA Aliantzak unibertsitate bakoitzeko gutxienez 10 pertsonak parte hartzea nahi luke.