Unibertsitate Master Bikoitza Telekomunikazio Ingeniaritzan eta Komunikazio Aurreratuetan eta Ikusmen Artifizialean

• Titulazio bikoitza eskuratuko duzu honako hauetan:
  • Unibertsitate Masterra Telekomunikazio Ingeniaritzan 
  • Unibertsitate Masterra Komunikazio Aurreratuetan eta Ikusmen Artifizialean
• Halako profesional asko behar dira: lanbide-profil horren garrantzia eta zer profesional gutxi dauden ikusita, Europako Batzordearen helburua da IKTetako espezialistak guztizko enpleguaren % 10 izatea 2030. urtean.
• Nafarroako Espezializazio Adimenduneko S4 Estrategiarekin lerrokatuta dago; izan ere, estrategia horren lan-ildoen artean dago prozesuen, produktuen eta zerbitzuen trantsizio digitalean lan egin beharra. Zehazki, haren zazpigarren lan-ildoa masterraren gaiekin lerrokatuta dago: produkzio lerro autonomoagoak eta malguagoak izatea, informazio-sistemekin integratuak eta fabrikazio-teknologia berriak ezarriak izanen dituztenak.
• Irakasleek bikaintasun egiaztatua dute irakaslanean eta ikerketan.
• Talde txikiak izaten dira.
• Aukera izanen duzu industriara transferitzeko proiektuetan parte hartzeko, NUPen, Institute of Smart Cities institutuaren barrenean.
• Eskuratuko dituzun ezagupen, gaitasun eta ahalmenei esker, aukera izanen duzu:
  • Sarbide sareak eta sentsoreenak diseinatzeko eta ingurune errealetan aplikatzeko, zuntz optikoa eta teknologia ez-gidatuak erabiliz, baita sare optikoak, ikusmen artifiziala, telematika eta elektronika, eta ikusmen artifizialaren bidez gidatutako robotika-sistemak ere.
  • IKT proiektuak kudeatzeko, lortutako prestakuntzak bidea emanen baitizu ongi ulertzeko bai IKT enpresetan negozioa garatzeko gakoak zein diren, baita proiektuak finantzatzeko oinarriak eta enpresan duten eragina ere.
  • Seinaleak prozesatzeko (machine learning).
  • Diziplinarteko proiektuak lantzeko, ez soilik telekomunikazio sare eta zerbitzuei buruzkoak, baita instrumentazioari, aplikazioen garapenari eta kideko arloei buruzkoak ere.

Telekomunikazio Ingeniaritzako Unibertsitate Masterra EUR-ACE® ingeniaritzetarako Europako kalitate-ziurtagiriarekin aitortu dute.

• Telekomunikazioaren Teknologien Ingeniaritzako Gradua edo Telekomunikazioaren Goi Mailako Ingeniaritza.
• Beste gradu batzuetatik, baldin eta gradu horietako tituluak CIN/355/2009 Aginduaren 4.2.1 eta 4.2.2 apartatuetan ezarritako sarbide-baldintzetako batzuk betetzen baditu.

• I+G+b-ko proiektuak kudeatzen eta gidatzen, telekomunikazioko instalazioak eta zerbitzuak hedatzeko eta ustiatzeko: irrati-komunikazioak, sare optikoak eta satelite bidezkoak, belaunaldi berriko sareak, 4.0 industria, multimedia-zerbitzuak, komunikazio optikoak, sentsore sareak, etab.
• Diziplina anitzeko taldeak gidatzen askotariko erakundeetan: sailetako, taldeetako, IKT proiektuetako, produktuetako edo zerbitzuen marketineko zuzendari izaten ahalko zara.
• Zuzendari teknikoa izaten ahalko zara honako hauetan: datuen sareak, telekomunikazioko zerbitzuak, enpresen aholkularitza, software eta multimedia aplikazioen diseinua.
• IKTak garatzen eta aplikatzen sektore hauetan: energia berriztagarriak, ingeniaritza biomedikoa, 4.0 industria, smart cities, etab.
• Ikerketa-karrera garatzen ahalko duzu.