Zientzia Juridikoen Fakultatea

Zertan oinarritzen dira?

• Irakastorduak: 12 ECTS
• Enpresetan edo entitate publikoetan egiten dira, eremu funtzionalen kudeaketan eta zuzendaritzan, zuzendaritza orokorrean edo aholkularitzan.

Gizarte Segurantza

• 2024ko urtarrilaren 1etik aurrera, praktiketako ikasle guztiek nahitaez kotizatu behar dute Gizarte Segurantzan.
• Ikaslea da bere praktikaren egutegian edozein aldaketa edo gorabeheraren berri emateko arduraduna. Horretarako, ConnectUPNA postontzia erabili beharko du.

Prozedura eta egutegia

* Baliteke curriculumeko praktiken prozeduren datak atzeratu behar izatea nazioarteko postuak eta bulegoetako eta aholkularitza-enpresetako postuak esleitzeko prozedurak ebazten diren arte. 
Curriculumeko + curriculumetik kanpoko praktiken prozeduran parte hartzea eskatzen duten ikasleek ezin izanen dute parte hartu curriculumeko praktiken esleipenean, salbu eta ez badute destinorik lortu.
 ** Espedientea kalkulatzeko, nazioarteko mugikortasun programetako espedientea kalkulatzeko NUPen ezarritako irizpidea aplikatuko da, zeinak ondoren adierazten den formulari jarraitzen baitio. Espediente akademikoaren kalkuluan 5. ikasmailako lehenbiziko seihilekora arte egindako irakasgai guztiak sartuko dira.

(∑(kalifikazioa x irakasgaiaren kreditu kopurua))/(∑(zenbat aldiz agertzen den kalifikatutako irakasgaia x irakasgaiaren kreditu kopurua))
Ez dira kontuan hartuko:
•    “Ez aurkeztua” kalifikazioak
•    “Gai / Ez Gai” kalifikazioak
 

Zertan oinarritzen dira?

• Irakastorduak: 6 ECTS
• Kanpoko curriculum praktikak derrigorrizko irakasgaia dira zortzigarren seihilekoan.
• Justizia Administrazioan gauzatzen da, talde txikitan egiten diren saio judizialen bidez, zuzenean Justizia Administrazioko magistratuen, epaileen eta letraduen tutoretzapean.
• Ikasle talde bakoitzak hiru-lau saio egiten ditu ordena jurisdikzional bakoitzean (zibila, penala, laborala eta administrazioarekiko auzietakoa).
• Saio judizialetako prestakuntza osatzeko, NUPen eginen diren aurrez aurreko saioak izanen dituzte, jarduera profesionalari lotutako prestakuntza-jarduera osagarriei lotutakoak.

Gizarte Segurantza

• 2024ko urtarrilaren 1etik aurrera, praktiketako ikasle guztiek nahitaez kotizatu behar dute Gizarte Segurantzan.
• Ikaslea da bere praktikaren egutegian edozein aldaketa edo gorabeheraren berri emateko arduraduna. Horretarako, ConnectUPNA postontzia erabili beharko du. 

Zer dira?

• 7 praktika inguru eskaintzen dira, beren jarduera nazioarteko sektore ekonomikoetan gauzatzen duten erakunde mota desberdinetan.
• Irailetik abendura egiten dira.
• 400 ordukoak dira.

Norentzat dira?

• Praktikaldiaren helburua Enpresen Administrazioko eta Zuzendaritzako eta Zuzenbideko Gradu Bikoitzeko Zuzenbideko Praktikak (177832) eta Enpresen Administrazioko eta Zuzendaritzako Praktikak (177833) nahitaezko irakasgaiak osatzea da.
• Nazioarteko Programako ikasleei eskainitako ikaspostuak betetzen ez badira, parte hartzeko aukera emanen zaie gradu bikoitzeko ikasleei ere, irakasgaiak bete arte.
• Era berean, Enpresen Administrazioko eta Zuzendaritzako eta Zuzenbideko Gradu Bikoitzeko Zuzenbideko Praktikak (175832) eta Enpresen Administrazioko eta Zuzendaritzako Praktikak (175833) irakasgaiak osatzeko ere balioko dute.

Parte hartzeko baldintzak

• Atzerriko hizkuntza batean B2 maila egiaztatzea (ingelesa, frantsesa edo alemana).
• Erasmus kontagailua gehienez ere 8 hilabetetan izatea.

Parte-hartzaileak hautatzeko irizpideak

• Atzerriko curriculum praktikak egin nahi dituzten ikasleek Zientzia Juridikoen Fakultatean eman beharko dute izena, mezu elektroniko bat bidalita eskabidearekin eta dokumentazioarekin:
  • Eskatzen den hizkuntza-maila frogatzen duen ziurtagiria.
  • CVa praktikak egin nahi lituzketen hizkuntzan.
  • Aurkezpen gutuna (200 hitz inguru), atzerrian curriculum praktika bat zergatik egin nahi duten azaltzen duena.
• Programa honetan hautagai gisa aurkezteak Estatuko curriculum praktiken beste edozein programatan parte hartzeko aukera baztertzen du, honako kasu hauetan izan ezik:
  •  Fakultateak parte hartzeko aukeratu ez baditu.
  • Nazioarteko enpresa batek ere aukeratu ez baditu ezarritako epean.
• Programako hautagaien aukeraketa egiteko zorrotz beteko da espediente akademikoaren ordena, kalkulu sistema honekin: (∑(kalifikazioa x irakasgaiaren kreditu kopurua))/(∑(zenbat aldiz agertzen den kalifikatutako irakasgaia x irakasgaiaren kreditu kopurua)). Ez dira kontuan hartuko aurkeztu gabeko irakasgaien kalifikazioak eta gai/ez-gai kalifikazioak.
• Hautaketan lehentasuna izanen dute Nazioarteko Programako ikasleek. Ikaspostu hutsik gelditzen bada, berriz eginen da esleipen prozesua EAZko eta Zuzenbideko Gradu Bikoitzeko gaztelaniako ikasleentzat.

Esleipenaren prozedura

• Programarako hautatutako ikasleen zerrenda Fakultatearen webgunean argitaratuko da 2024ko otsailaren 15an.
• Argitaratu den egunetik eta otsailaren 26an, esleipendunek mezu bat bidali beharko dute Fakultatearen helbide elektronikora, esanez programan parte hartzea onartzen dutela eta baimena ematen dutela haien CVa, motibazio gutuna eta datu pertsonal eta akademikoak UGFri eta programa honetan praktikak eskaintzen dituzten entitateei helarazteko. Norbaitek baldintza hori betetzen ez badu, programatik kanporatua izanen da, eta parte hartzeko eskaera egin duten eta lehenbiziko txandan kanpoan gelditu direnei deituko zaie berehala, zerrendaren hurrenkerari jarraituz.
• Parte-hartzaileak aukeratu ondoren, Zientzia Juridikoen Fakultateak Unibertsitate-Gizarte Fundazioari (UGF) destino propiorik aurkeztu ez dutenentzat nazioarteko praktiketarako destinoak bilatzeko esanen dio. Erakundeen proposamenak eta esleipendun bakoitzaren profila hobekien ezkontzen dituzten destinoak bilatuko dituzte, betiere irakasgaien prestakuntza-planarekin bat datozenak. Bilaketa hori egiteko tartea, edonola ere, Estatuko curriculum praktiken esleipena egiteko bilera egin baino lehen amaituko da.
• Praktiketako hitzarmena UGFn sinatu beharko da –sinadura pertsonala eta besterenezina izanen da–, eta bertan emanen zaie ikasle hautatuei hitzarmena sinatzearekin lotutako oinarrizko kontuen berri.