Transferentzia

Transferentzia

INARBE erreferente bat da jakintzaren transferentziari dagokionez, eta elkarlanean aritzen da erakunde eta enpresa askorekin. INARBEko ikertzaileek beren lerro estrategikoetako azterlanak eta txostenak egiten dituzte transferentzia-kontratuak eginez enpresekin eta beste entitate batzuekin.

Jakintzaren transferentziatik dator INARBEren finantzaketa osoaren % 33 gutxi gorabehera. Azkeneko bost urteetan, INARBEko kideek ehundik gora kontratu sinatu dituzte enpresa txiki eta ertainekin, enpresa-elkarteekin, udalekin, GKEekin eta antzekoekin, eta 25 bat kontratu estatuko eta nazioarteko erakundeekin.

Kontratu bidez mota askotako proiektuak egin ditzake INARBEk bere lerro estrategikoen esparruan, hala nola:

Erakundeen eta enpresa-estrategien azterketa ekonomikoa

• Antolatzeko jardunbideak, eta inpaktua enpresen estrategia eta emaitzetan.
• Berrikuntza, ekintzailetza eta hazkunde ekonomikoa enpresetan.
• Erakunde publiko eta pribatuen efizientziaren eta produktibitatearen neurketa eta faktore erabakigarriak.
• Enpresen finantzaketari buruzko erabakiak.
• Banatze eta merkaturatze estrategiak, kontsumitzailearen portaeraren analisia eta kontsumoaren zuzenbidea.
• Nazioartekotzeko erabakiak eta estrategiak.
• Erabaki ekonomikoak hartzeko oinarriak: banakako erabakien, arrazionaltasunaren eta jarrera estrategikoen ereduak.

Merkatuen analisi ekonomikoa

• Finantza-merkatuen erregulazioa eta funtzionamendua: merkataritzako legeak eta bankaren ingurukoak, finantza-sistemaren erregulazioa eta prezioen eraketa.
• Energia-sektorearen antolamendua, erregulazioa eta eskumenak.
• Lan-merkatua, lan-zuzenbidea eta lan-harremanak.
• Fiskalitatea.

Politika publikoen analisia

• Osasunaren ekonomia: ebaluazio ekonomikoa, finantzaketa eta osasunaren arloko zuzenbidea.
• Nekazaritzako elikagaien ekonomia eta politika: nekazaritza, nekazaritzako industria eta elikadura ikuspegi historikotik.
• Estatu azpiko gobernuen deszentralizazio fiskala eta finantzaketa.
• Europar Batasuneko lurraldeen hazkundea, desparekotasunak eta ezberdintasunak.

Kontratuak durante 2018  (20)