Gaur den egunean, Nafarroako Unibertsitate Publikoko Artxibo Nagusia bere dokumentazioa antolatzen ari da, bai Nafarroan unibertsitatea sortu aurretik zeuden Antzinako Eskola profesionalek eta unibertsitate eskolek herentzian utzia, baita dohaintzetako edo gordailuetako funtsetakoa ere.

Antolatzeko prozesu horrek ez du oztopo izan behar funtsak ikerketa historikorako irekitzeko, baina kontuan hartu behar da dokumentuak antolatzeko prozesuak berak bere mugak dauzkala, eta bete egin behar dela datu pertsonalak babesteko legeek ezartzen duten guztia.

ANTZINAKO ESKOLETAKO ETA FUNTS PRIBATUETAKO DOKUMENTAZIOA

Antzinako Eskolek Nafarroako Unibertsitate Publikoa sortu aurretik Nafarroan zeuden unibertsitate eskoletako eta haien aurrekoen dokumentuak biltzen dituzte, ikasketen arabera multzokatuak. Ikasketa bakoitzak zenbait dokumentu-sortzaile biltzen ditu, eskolen idazkaritzek multzokatuak denboran zehar.

Nafarroako Unibertsitate Publikoko Artxibo Nagusia funtsen dohaintzak eta gordailuak jasotzen ari da, eta horiek prestatzen dihardu jendaurrean jartzeko.

DOKUMENTAZIO HISTORIKORAKO EMATEN DIREN ZERBITZUAK

Argibide orokorrak.  Aukera hauek dituzu:

• Nafarroako Unibertsitate Publikoan gordetako dokumentu historikoen galeria bat ikusi.

• Idazkaritza Nagusiak dokumentuetarako sarbideari buruz emandako jarraibideak irakurri.

Erabiltzaileari laguntza emateko zerbitzua:

• Zure intereseko dokumentuak gure artxiboan aurkituko ditugu: bete ezazu orri honen amaierako inprimakia Artxiboko langileak dokumentuak bilatzen hasteko.

• Dokumentu horiek modu presentzialean kontsultatzeari buruzko zalantzak argituko dizkizugu, sarbide librekoak diren ala ez, erreprografiarik baduten, edo gure Artxiboari buruzko beste edozein galdera. Zalantzarik izanez gero, idatzi helbide honetara: archivo@unavarra.es.

Kanpoko erabiltzaileentzako kontsulta zerbitzua

Pandemiaren egungo egoera ikusita, kontsulta ez-presentziala egitea gomendatzen dugu.

Dokumentuen erreprografia digitalaren bidezko kontsulta ez-presentziala eskatzen ahal duzu, prozesu honi jarraikiz:

1. Bete ezazu orriaren amaieran dagoen inprimakia, dokumentuak bilatzen hastekoa, edo bidal ezazu mezu elektroniko bat archivo@unavarra.es helbidera.

2. Zure intereseko dokumentuak aurkitutakoan, sarbide librekoak edo sarbide mugatukoak diren jakinaraziko dizu Artxibo Nagusiak, eta dokumentuak eskuratzeko zer egin behar duzun adieraziko dizu.

3. Sarbide librea edo sarbide baimendua duten dokumentuen kasuan, Artxibo Nagusiak kontsultarako formulario bat erantsiko dizu betetzeko, baita dokumentuen kopia digitalen aurrekontua eta tasak ordaintzeko moduaren azalpena ere.

4. Aurrekontua onartzen duzunean, dagozkion tasak banku transferentzia baten bidez ordaindu beharko dituzu, Artxibo Nagusiaren jarraibideak betez.

5. Azkenik, dokumentuen kopia digitalak jasoko dituzu kontsultarako eskaeran adierazi duzun helbide elektronikoan, eta kopiak jasotzearekin ados zaudela adierazi beharko diozu Artxibo Nagusiari.

KONTSULTA PROZESUA

Dokumentu historikoak kontsultatzeko, haietarako sarbidearen lege araudia errespetatzen duten irizpideak bete behar dira.

Dokumentuak kontsultatzeko, pandemia dela eta, kontsulta ez-presentzialerako aukera eskaintzen da:

Hala ere, erabiltzaileak ezinbestekotzat jotzen badu, kontsulta presentziala ere eskaintzen da, aurretik ordua eskatuta archivo@unavarra.es helbidean.

Dokumentazioa bilatzen hasteko, bete formulario hau: