NUPek aurkeztutako Ikastegiaren Kudeaketarako Eskuliburua kalitateari buruzko eskuliburu klasikoa da, eta ikastegiek egiten duten kudeaketa guztiari eusten dio erabateko kalitatearen kudeaketa-printzipioetan oinarrituta. Hortaz, NUPen Kalitatearen Barne Bermerako Sistema (KBBS) osorik deskribatzen duen dokumentua da.

Erabateko kalitatearen printzipioetan oinarritutako kudeaketak honako hau du oinarri: erakunde orok (kasu honetan, NUPeko ikastegi unibertsitarioek) prozesu guztiak elkarrekin lotuz eta prozesu horiek bere interes-taldeetara bideratzen saiatuz egiten du bere jarduera.

Ikastegiaren Kudeaketarako Eskuliburuak ANECAren AUDIT programaren irizpideen arabera antolatuta deskribatzen du NUPeko ikastegien jarduera.

Ikastegian egiten diren kudeaketa-jarduera nagusien nondik norakoak Ikastegiaren kudeaketa-egutegian kontsultatzen ahal dira. 

Ikastegiaren Kudeaketarako Eskuliburuak I. ERANSKINEAN  KBBSaren egitura osoa ulertzeko beharrezko dokumentazio lagungarria jasotzen du, eta II. ERANSKINEAN, berriz, prozesu guztien nondik norakoak. Etengabeko hobekuntzarako sistema guztietan bezala, KBBSa eta haren prozesuak etengabe aldatzen ari dira, eta kudeaketaren berezko beharretara egokitzeko beharrezkoak diren aldaketak izaten ahal dituzte. Horregatik, irakurtzea gomendatzen da, dokumentuaren aurkibidean eta eranskinetan gaitutako estekaren bidez.

ANECAren Ziurtapen Batzordeak AUDIT programaren irizpideekin eta jarraibideekin bat etorriz ematen dio kanpoko aitorpena Ikastegiaren Kudeaketarako Eskuliburuari, KBBSaren diseinuaren ziurtagirian agerian gelditzen den bezala.