Heldu den irailaren 20an, ostirala, Nafarroako Unibertsitate Publikoak (NUP) “Zero hondar” jardunaldia antolatu du. Jardunaldia elikagaien industriarekin lotutako unibertsitateko titulazioetako ikasleentzat eta Ostalaritza Eskola-Burlata IIPko ikasleentzat da, eta prestakuntza teoriko-praktikoa emanen da elikagaiak alferrik galtzea eragozteko. Jardunaldian hitzaldi labur batzuk eginen dira adituen eskutik, eta gero ikasitakoa praktikara eramanen da lantaldeetan aipatutako errezeten bidez. Saio 09:00etatik 15:00etara izanen da Sario eraikineko Fernando Remacha aretoan, eta hara joateko behar den inprimakia bete behar da.
Ikasle batzuk NUPen.
Jardunaldian parte hartuko duten adituen artean daude Paula Torán-Pereg (sukaldariaren eta nekazariaren arteko lankidetzak),
Víctor Quintilla (jatetxe jasangarrien kudeaketa integrala), María José Mantilla (hartzidura elikagaiak alferrik galtzea eragozteko) eta Elisabet Puiggròs (merkatuaren aukerak jasangarritasunerantz). NUPeko IS-FOOD Institutuak, Mycelium enpresak eta EITFood-ek antolatu dute jardunaldia.
Saioan, ikasleek “Zero hondar” delakoaren oinarriak, esanahia eta nola inplementatu behar den ikasiko dute, bai eta filosofia horrekin egindako sukaldaritza-berrikuntzako errezetak ere. Elikagaien industriako kudeaketa jasangarriko zenbait estrategia ere ezagutuko dituzte.