Nafarroako Unibertsitate Publikoko (NUP) 80 bat ikertzailek hartu dute parte egunotan honako web-mintegi honetan: “Ikerketatik merkatura: ikerketa emaitzen ustiapen komertzial eta soziala”. NUPeko Enpresak Sortzeko Laborategiak  (LUCE) antolatu zuen Nafarroako Enpresa eta Berrikuntza Zentro Europarra Nafarroako Gobernuaren enpresa publikoaren bidez (CEIN).

Honako gai hauek landu zituen mintegiak hiru egunetan: “Marketineko funtsezko oinarriak ikertzaileentzat” eta “I+G-ko marketina: I+G-an aplikatutako marketinaren berezitasuna eta produktu/zerbitzu berritzaileak", biak Amalio Reyren eskutik, eMOTools enpresaren sortzailea eta zuzendaria, bai eta  “Ikerketa emaitzak ustiatzeko esparru juridikoa”, NUPeko Ikerketa Zerbitzuko langileek emana.

Mintegiaren helburuak, NUPeko ikertzaileei ez ezik, Nafarroan garatutako proiektu zientifiko-teknologiko bat duten pertsona ekintzaileei ere zeuden zuzenduta: I+G-ko marketinari eta marketinari buruzko oinarrizko ezagutzak eskuratzea, Unibertsitatean ikerketaren emaitzak ustiatzea arautzen duen esparru juridikoa ezagutzea, NUPeko ikertzaileen artean espiritu ekintzailea sustatzea eta, azkenik, LUCE-CEINek irailean hasita NUPen emango duen ikerketatik abiatuta, enpresak sortzeari buruzko ikertzaileentzako prestakuntza-ibilbide bat zabaltzea.

CEIN eta LUCE NUPen

Prestakuntza-mintegia CEINek, LUCEren bidez, NUPen egiten dituen ekintzen barruan kokatzen da. Ekintza horien helburua da ekintzailetza sustatzea, proiektuak atzematea eta ikasle, graduatu berri, ikertzaile eta irakasleek enpresa berriak sortzea.

LUCE Unibertsitate osorako zerbitzua da, eta ekintzailetza bultzatu eta enpresen sorrera bultzatu nahi du. CEIN da LUCEren zerbitzua ematen duena, enpresa proiektuen aholkularitzaren eta enpresa sorkuntzarekin zerikusia duten gradu bukaerako lanetarako eta master bukaerako lanetarako aholkularitzaren bidez. Merkatua balorizatzeko zerbitzua eskaintzen du garapen zientifiko-teknologikoetarako, eta ekintzailetzarekin lotutako jarduerak eta lantegiak antolatzen ditu ikasgelan. LUCE 2006an jarri zen abian honako erakunde hauen laguntzari esker: CEIN,  Unibertsitateko Ekonomia eta Enpresa Zientzien Fakultatea eta Gazte Enpresarien Elkartea (AJE).