“Yo quiero ser científica” proiektuan ari diren irakasleak jantzi akademikoz jantziak. Ezkerretik eskuinera: Leyre Catalán Ros (Hipatia Alexandriakoa), Aránzazu Jurío Munárriz (Klara Von Neumann), Alicia Martínez Ramírez (Sofia Kovalévskaya), Silvia Díaz Lucas (Hedy Lamarr), Edurne Barrenechea Tartas (Ada Lovelace), Marisol Gómez Fernández (Emmy Noëther), Idoia San Martín Biurrun (Edith Clarke) eta Gurutze Pérez Artieda (Maria Sibylla Merian). Patricia Aranguren Garacochea falta da (Marie Sklodowska-Curie)
Nafarroako Unibertsitate Publikoko (NUP) bederatzi emakume irakaslek idatzitako “Yo quiero ser científica” antzezlanak ezagutzera ematen ditu aurreko mendeetako zenbait emakume zientzialariren lana eta bizitza, eta, iazko ekainetik orain arteko emanaldietan, 5.070 ikusle izan ditu. Horietako 4.170 Nafarroako 39 ikastetxetako eta Gipuzkoako beste bateko 8 eta 12 urte bitarteko ikasleak izan dira. 25 emanaldiak Lehen Hezkuntzako 4. mailatik DBHko 1. mailara bitarteko ikasleei zuzenduak egon dira gehienbat, eta Iruñean egin dira (Planetarioan), baita Lizarran, Erriberrin eta Zangozan ere, “NUP antenak” ekimenari esker. Datorren ikasturtean proiektuak aurrera egingo duela aurreikusi da, eta doako emanaldi gehiago izango dira Lehen Hezkuntzako 2. mailatik 6.era bitartekoentzat. Horretarako interesa duten ikastetxeek informazio gehiago daukate Unibertsitatearen webgunean.
Hain zuzen, hauek dira emanaldietarako aurreikusi diren egunak: urriaren 16a, 23a eta 25a, azaroaren 20a eta 27a eta abenduaren 11. Horietan ikusle gisa parte hartu nahi duten ikastetxeek “online” inprimaki bat bete behar dute, hura ere Unibertsitatearen webgunean.
2018-2019 ikasturtean antzezlana ikusi zuten nafar ikastetxeak herri hauetakoak izan ziren: Atarrabia (La Presentación ikastetxea), Barañain (Eulza, Sahats eta Santa Luisa de Marillac ikastetxeak eta Barañaingo BHI), Burlata (Hilarión Eslava eta Notre Dame ikastetxeak eta Ibaialde BHI), Cordovilla (Izaga ikastetxea), Elo (Santa Bárbara ikastetxea), Erriberri (Príncipe de Viana ikastetxea), Gares (Garesko ikastetxea), Gorraitz (The British School of Navarra), Iruñea (Azpilagaña, Cardenal Ilundáin, El Lago, Ermitagaña, García Galdeano, Mendillorri, San Juan de la Cadena, Claret-Larraona, La Compasión-Escolapios, Nuestra Señora de El Huerto, Sagrado Corazón, San Cernin eta Santa Teresa ikastetxeak, Monjardín lizeoa, Hegoalde ikastola eta Basoko eta Navarro Villoslada institutuak), Irurtzun (Atakondoa ikastetxea), Lizarra (Remontival eta Santa Ana ikastetxeak eta Lizarraldea BHI), Mendabia (San Francisco Javier ikastetxea), Orkoien (Auzalar ikastetxea), Sarriguren (Hermanas Úriz Pi ikastetxea), Tafalla (Sancho III el Mayor BHI) eta Zangoza (Luis Gil ikastetxea). Bestalde, Gipuzkoako ikastetxe bat ere izan zen emanaldi batean, hots, Elgoibarko Herri Eskola.
Parte hartzen duten ikertzaileak
Hauek dira antzezlanean esku hartzen duten ikertzaileak: Patricia Aranguren Garacochea (doktorea Industria Ingeniaritzan), Edurne Barrenechea Tartas (doktorea Ingeniaritza Informatikoan), Leyre Catalán Ros (doktoretzako ikaslea Komunikazioetako, Bioingeniaritzako eta Energia Berriztagarrietako Teknologiak programan - Tecomber), Silvia Díaz Lucas (doktorea Telekomunikazio Ingeniaritzan), Marisol Gómez Fernández (doktorea Matematikan), Aránzazu Jurío Munárriz (doktorea Ingeniaritza Informatikoan), Alicia Martínez Ramírez (doktorea Telekomunikazio Ingeniaritzan), Gurutze Pérez Artieda (doktorea Industria Ingeniaritzan eta ekimenaren arduraduna) eta Idoia San Martín Biurrun (doktorea Industria Ingeniaritzan). Guztiek NUPeko ikerketa institutuetako bitan egiten dute lan: Smart Cities Institutuan (ISC) eta Material Aurreratuen Institutuan (InaMat).
Antzezle haietako bakoitzak zientzialari hauetako bat antzezten du: Hipatia Alexandriakoa, matematikaria, astronomoa eta filosofoa (IV.-V. mendeak); Maria Sibylla Merian, entomologoa eta margolaria (1647-1717); Ada Lovelace (Ada Byron izenaz ere ezaguna), matematikaria eta lehen informatikaria (1815-1852); Sofia Kovalévskaya, matematikaria eta astronomoa (1850-1891); Marie Sklodowska-Curie, kimikaria eta fisikaria (1867-1934); Emmy Noëther, matematikaria (1882-1935); Edith Clarke, ingeniari elektrikoa (1883-1959); Klara Von Neumann, informatikaria (1911-1963); eta Hedy Lamarr, telekomunikazio ingeniaria (1914-2000).
Honako hauek laguntzaile aritu dira ekimen honetan: Óscar Orzaiz Resano, NUPeko Antzerki Taldeko zuzendaria, antzezlana zuzendu duena; Íñigo Pérez Artieda, soinuaz eta musika zuzendaritzaz arduratu dena; Vicente Galbete Martinicorena, eszenografian; Miguel Eraso Ascunce, bideoen egilea; Raquel Hontañón Vélez, estilismoaz arduratu dena; eta Creanavarra Iruñeko Diseinuaren Goi Mailako Zentroko ikasleak, jantzien arduradun izan direnak.
Antzezlanaren babesleak Iruñeko Udala, Zientziaren, Berrikuntzaren eta Unibertsitateen Ministerioaren Zientziarako eta Teknologiarako Espainiako Fundazioa (FECYT) eta Nafarroako Kutxa Fundazioa izan dira, eta Unibertsitate Proiekzioko, Kulturako eta Dibulgazioko Errektoreordetzak kudeatu du bere Kultura eta Kirol Unitatearen bidez.