20 ikaslek hartu zuten parte ekainaren 14an, larunbata, Nafarroako Unibertsitate Publikoko (NUP) Diseinu Mekanikoaren Ingeniaritzako Graduaren XII. promozioaren graduazio-ekitaldian. NUPek Tuteran duen campuseko ekitaldi-aretoan egin zen, titulazioa Tuteran ematen baita. 150 lagun baino gehiago izan ziren ekitaldian, senitartekoak eta adiskideak tartean.
Tuterako campuseko graduazio-ekitaldian parte hartu zuten ikasleak. Argazkiaren erdian, ezkerretik eskuinera, Alfredo Ursúa IITIGMETeko zuzendaria, Javier Goicoechea Irakaskuntzako errektoreordea eta Ángel Jaraba aitabitxia.
Ekitaldiaren buru izan ziren Javier Goicoechea Fernández Irakaskuntzako errektoreordea, Alfredo Ursúa Rubio Industria, Informatika eta Telekomunikazio Ingeniaritzako Goi Mailako Eskola Teknikoko zuzendaria, Alexia Torres Salcedo Diseinu Mekanikoaren Ingeniaritzako Graduko zuzendariordea, Santiago Sánchez Alegría Tuterako campuseko Arloko zuzendaria eta Idoya Lacosta Gavari promozioaren amabitxia.
Graduazio-ekitaldiko une bat.
Ekitaldiari hasiera eman zioten Iris Cañas Albuquerqueren eta Imanol Ojer Juríoren ikasleen ordezkarien hitzek, eta ondoren Ángel Jaraba Rubio aitabitxiak hitz egin zuen. Gero, Alfredo Ursúa IITIGMETeko zuzendariak hitz egin zuen. Gero, diplomak eman zitzaizkien parte-hartzaileei, eta, ekitaldiari amaiera emateko, Javier Goicoechea errektoreordeak hartu zuen hitza eta Gaudeamus igitur ereserki unibertsitario tradizionala abestu zen.