Aurreko asteburuan, osotara 589 lagun joan ziren “UPNA Show” monologo zientifikoen ikuskizunetara. Nafarroako Unibertsitate Publikoak (NUP) antolatu zituen ezagutza zientifikoa gizarteari modu dibertigarrian eta zorroztasunik galdu gabe hurbiltzeko. Emanaldiak bi gunetan egin ziren: maiatzaren 23an, ostirala, Tuterako Gaztambide antzokian, 349 ikuslerekin; eta maiatzaren 24an, larunbata, Iruñeko Iturramako Civivoxen, 240 ikaslerekin.
Tuteran egindako “UPNA Show” monologoen une bat.
Big Van Ciencia dibulgatzaile- eta zientzialari-taldeak aurkeztu zuen ikuskizuna. Talde hori ezaguna da zientzia umorearen eta zuzeneko monologoen bidez herritarrei ezagutarazteko egiten duen lanarengatik. Ekitaldian, hainbat ikertzaile eszenatokira igo ziren beren lan zientifikoaren alderdien berri emateko modu atsegin eta ulergarrian.
Unibertsitateak dibulgazio zientifikoarekin eta kulturarekin duen konpromisoaren harira sustatu dituen ekintzen barruan dago “UPNA Show”, eta proiekzio sozialeko bere jardueren barruan dago. Zientziarako eta Teknologiarako Espainiako Fundazioak (FECYT) - Zientziaren, Berrikuntzaren eta Unibertsitateen Ministerioak finantzatu du ekimena, eta Tuterako Zientziako eta Ondareko Errege Bardea Katedraren eta Iruñeko Udalaren laguntza izan du.