Iruñeko ikastetxeetako gazteentzako informazio bulegoko hogeita hamar bat korrespontsalek, Nafarroako hiriburuko Gazteriaren Etxeak koordinatuta, Nafarroako Unibertsitate Publikoko (NUP) Arrosadiko campusa bisitatu dute erakundeak unibertsitate aurreko ikasmailetako ikasleei bere hezkuntza-eskaintza eta instalazioak ezagutarazteko antolatzen duen programaren barruan.
Gazteariaren Etxeko korrespontsalak, NUPeko Arrosadiko campusean.
Korrespontsal horiek Derrigorrezko Bigarren Hezkuntza, Batxilergoa, Lanbide Heziketa eta Hezkuntza Berezia ikasten ari dira, eta beren ikastetxeetan informazio-guneak jarri dituzte Iruñeko Udalaren beka batzuei eta Gazteriaren Etxearen laguntzari esker. Hori dela eta, 2025-2026 ikasturterako hezkuntza-eskaintzari buruzko informazio-saio baten ondoren, taldeak NUPeko Liburutegiko Unibertsitatearen Arreta Bulegoa eta erreferentzia-zerbitzua bisitatu zituen beren ikastetxeetako kideekin partekatzeko informazio gehiago behar izanda ere. Taldeak Olibondoak eraikineko laborategi batzuk eta errektoretzako eraikina ere bisitatu zituen.