Nafarroako Unibertsitate Publikoko (NUP) Arrosadiko campuseko liburutegiak escape room bat antolatu du ikasleei bere zerbitzu eta baliabideak modu entretenigarri eta ludikoan ezagutarazteko. Parte hartzeko, NUPeko ikasleek 2-4 laguneko talde bat osatu eta Unibertsitatearen zerbitzuen atarian dagoen formulario bat bete behar dute. Jarduera azaroaren 4an hasiko da.

Formularioan egindako erreserbaren egun-orduetan liburutegiko mailegu-mahaira joan behar da NUPeko txartelarekin eta telefono mugikor batekin. Jarduerak gutxienez 60 minutu eta gehienez 90 minutu iraunen du.