Nafarroako Unibertsitate Publikoak (NUP) rockari buruzko gune bat sortu nahi du, eta Rockoteka deituko dio. Horretarako, dei egiten die musika-estilo horrekin lotutako materiala dutenei erakunde akademikoari eman diezaioten. Inprimatutako materiala, ikus-entzunezko materiala eta sustapen-materiala onartuko dira.

Hala, NUPeko Liburutegiak liburuak, aldizkariak, biniloak, CDak, DVDak, kaseteak eta sustapen-materiala bilduko ditu rockaren historia eta haren azpigeneroak, artisten eta banden biografiak edo kontzertu nabarmenenak ezagutzeko. 

NUPeko Arrosadiko campuseko Liburutegia.

Etorkizuneko Rockotekaren helburua da hainbeste belaunaldirentzat hain garrantzitsuak izan diren historian, kulturan eta musikan murgiltzeko gune bat sortzea. Emandako materialekin, Liburutegiko funtsak aberastuko dira. 

Materiala eman nahi duenak Arrosadiko campuseko Liburutegiaren  beheko solairuan dagoen maileguen mahaira joan behar du. Horrez gain, kontsultak edo zalantzak izanez gero, bupna@unavarra.es posta elektronikoko helbidera idatzi behar dute.