Miguel Beruete Díaz Seinalearen Teoriaren eta Komunikazioen arloko irakasleari eta Óscar Martín Martín Merkaturatzea eta Merkatuen Ikerketa jakintza-arloko katedradunari Nafarroako Unibertsitate Publikoaren (NUP) 2023ko Ikerketa Saria eman diete Zientzia Zehatz, Biologiko, Mediko eta Teknologikoen arloetan egindako ikerketa-ibilbideari, lehen kasuan; Giza eta Gizarte Zientzien, Zientzia Juridikoen eta Ekonomikoen arloetan egindako ikerketa-ibilbideari, bigarren kasuan.
Premiados, con el rector de la UPNA y el vicerrector de Investigación. De izda. a dcha., Leyre Catalán, Álvaro Martínez, Patricia Aranguren, María Medrano, Maddi Osés, Idoia Labayen, David Astráin; el rector, Ramón Gonzalo; el vicerrector de Investigación, Francisco Javier Arregui; Katalin Nemeth, Camino Bueno, Óscar Martín, Miguel Araiz, Patricia Alegría, Antonio Rodríguez y Gurutze Pérez Artieda.
Bestalde, 2021eko eta 2022ko ekarpen zientifiko hoberenen saria eman diete bi lanei, bata Zientzia Zehatz, Biologiko, Mediko eta Teknologikoen arloan, eta bestea Giza eta Gizarte Zientzien, Zientzia Juridikoen eta Ekonomikoen arloetan. Lehenengo kasuan, “Changes in lifestyle behaviours during the COVID-19 confinement in Spanish children: longitudinal analysis from the MUGI project” da. Lan hori dela-eta eman zaio María Medrano Echeverría irakasleari saria. Bigarrenean, Camino Bueno Alastueyri eman diote saria “Quizlet and podcasts: effects on vocabulary acquisition” lanagatik. Computer Assisted Language Learning ” lanagatik.
Azkenik, 2021ean edo 2022an bukatutako kontratu edo proiektu batetik eratorritako jakintza edo teknologia transferitzeko emaitzarik hoberenaren saria David Astrain Ulibarrena Makinak eta Motor Termikoak jakintza-arloko katedradunari eman diote “Electrovolcan, Prototipoen diseinu eta garapen esperimentala efektu termoelektrikoaren bidezko sorkuntza elektrikorako jatorri bolkanikoko azaleko anomalia geotermikoetan: aplikazioa Timanfayako (Lanzarote) eta Teideko (Tenerife) sistema bolkanikoetan” proiektuagatik.
2023ko Ikerketa Sariak duela gutxi eman ziren Nafarroako Unibertsitate Publikoan, Ramón Gonzalo errektorea buru izan zuen ekitaldi instituzional batean. Errektoreak agurra eta ongietorria egin ondoren, Francisco Javier Arregui San Martín Ikerketako errektoreordeak sarien esleipenaren ebazpena irakurri, eta, gero, diplomak banatu zituzten. Saridunen aldetik, Óscar Martín Martínek hartu zuen hitza.
Saritutako beste ikertzaile batzuk
Ikerketa sariek 2.800 euroko diru-esleipena dute kategoria bakoitzerako. Zientzia Zehatz, Biologiko, Mediko eta Teknologikoen arloetako ekarpen zientifikoaren kasuan, María Medranoz gain Maddi Osés Recalde eta Idoia Labayen Goñi saritu dituzte. Giza eta Gizarte Zientzien, Zientzia Juridikoen eta Ekonomikoen arloan, Camino Buenez gain, Katalin Nemeth saritu dute.
Un momento del acto.
Transferentzia teknologikoko emaitza hoberenaren sariari dagokionez, proiektuan parte hartu duten NUPeko ikertzaile hauek ere saritu dituzte: Miguel Araiz Vega, Miren Gurutze Pérez Artieda, Antonio Rodríguez García, Patricia Aranguren Garacochea, Álvaro Martínez Echeverri, Leyre Catalán Ros eta Patricia Alegría Cía. Amaia Garacochea Sáez ere saritu dute.
Saritutako ikertzaileak NUPeko Ikerketa Institutu hauetakoren batekoak dira: Smart Cities Institutua (ISC), Nekazaritzako Elikagaien Katearen Berrikuntzarako eta Jasangarritasunerako Ikerketa Institutua (IS-FOOD), Institute for Advanced Research in Business and Economics (INARBE) eta Gizarte Ikerketa Aurreratuko Institutua (ICOMMUNITAS).