Nafarroako Unibertsitate Publikoak (NUP) konfinamenduan ikasketaz, kulturaz eta aisiaz gozatzeko baliabide batzuk biltzen ditu etxean geratu #QuédateEnCasa ekimenean. Unibertsitatearen webgunearen bidez sartzen ahal da bertara, eta konfinamenduan ikasketaz, kulturaz eta aisiaz gozatzeko baliabide batzuk biltzen ditu.
Zehazki, kirola etxetik egiteko aukerak eskaintzen dira (NUPeko Kirolen Youtubeko kanaleko bideoen bidez eta sare sozialetan erronken bidez); bestalde, irakurketari dagokionez, Unibertsitateko Liburutegiko langileek bildutako baliabide irekien eta elektronikoen bilduma bat jartzen da jendearen eskura, baita irakurketa-klubaren blogerako sarbidea eta genero-berdintasunari buruzko argitalpen-bilduma bat ere.
Horrez gainera, hainbat gairi buruzko hitzaldi batzuetara sartzen ahal da (hitzaldiak unibertsitatean eginak dira eta NUP Tbren bidez eskuragarri daude) eta, dibulgazio zientzifikoari dagokionez, gogorarazten da “Zientzia itzultzailea” bloga eta “Zientzia tabernan” bideo bilduma kontsultatzen ahal direla (FECYT Zientziarako eta Teknologikoarako Espainiar Fundazioak (FECYT) – Zientzia eta Berrikuntza Ministerioak finantzatuak).
En-kantu musika-taldea, NUPen sortua, Artearen eta Zientziaren Jaialdian egindako emanaldian
Arte eta Zientzia Jaialdiko bideoetarako sarbidea
Azkenik, Arte eta Zientzia Jaialdiko saio guztietako bideoak ere biltzen dira. NUPek antolatu zuen jaialdia, eta Iruñeko Planetarioan egin zen martxoaren 10ean eta 11n. Jaialdiaren xedea zen sorkuntza artistikoari eta ikerketa zientifikoari buruzko ikuspegi integratua eskaintzea, izen handiko ikertzaile eta artistek emandako hainbat emanaldi eta hitzaldiren bidez, dibulgaziozkoak eta jende guztiarentzat. Zientziarako eta Teknologikoarako Espainiar Fundazioak (FECYT) – Zientzia eta Berrikuntza Ministerioak finantzatu zuen jaialdia.
