NUPeko ikasleak, Iruñeko Arrosadiko campusean, Iruñean
Nafarroako Unibertsitate Publikoko (NUP) Gobernu Kontseiluak bere azken bileran erabaki du Unibertsitateen Kontseilura txosten bat bidaltzea, Historiako eta Ondareko gradu berria duena, Unibertsitateen Kontseiluak titulu hori egiazta dezan ANECAren protokoloen arabera (Kalitatea Ebaluatzeko eta Egiaztatzeko Agentzia Nazionala). Prozesu hori amaitzea espero da gradu berriko eskolak 2019-2020 ikasturtearekin batera hasteko. Bidalketa hori Psikologia graduarenari gehitu behar zaio, joan den uztailean bidali baitzitzaion ANECAri.
NUPek, ANECAren ebaluazio positiboa eta Unibertsitateen Kontseiluaren egiaztapena lortzen duenean, Psikologiako gradu berriari buruzko dokumentazio guztia erakunde Gizarte Kontseilura bidaliko du, Nafarroako Gobernuaren baimena lortu baino lehen. Gero, titulazio hori Unibertsitate, Ikastegi eta Tituluen Erregistroan erregistratzeko aginduko du Ministro Kontseiluak, eta, hala, gradu berriko ikasketa plana Estatuko Aldizkari Ofizialean argitaratuko da.
Lau ikasmaila eta bi espezialitate
Psikologiako gradu berria NUPeko Osasun Zientzien Fakultatearen ardurapean dago, eta, ikasketa planak jasotzen duenez, 240 ECTS kreditu izango ditu lau ikasturteri dagozkienak. Lehen ikasmailan, sarbide berriko 60 ikaspostu eskainiko dira.
Gradu berriak bi aipamen edo espezialitate izango ditu Unibertsitateen Kontseilura bidalitako txostenaren arabera: Kultura Proiektuen Kudeaketa Ekonomikoa.Horri esker ikasleek aukera dute “beren enpresa proiektuak sortzeko, diseinatzeko eta kudeatzeko eta arlo horretan lan egiteko erakunde publikoetan edo enpresa pribatuetan”; eta bigarren espezialitatea Ondareko Kultura Bitartekaritza da. Horren bidez “ikasleak gero eta eskari handiagoa duen enplegu zoko batean gaitzen dira: zenbait ondare mota zenbait jenderi eta inguruneri ezagutaraztea, hala hezkuntzaren, nola komunitatearen edo turismoaren esparruan”.
Aipatu txostenean esaten da gradu berriak “bere ezaugarria duela, diziplinartekotasunak ukitua, zenbait alderdi integratuko dituen ondarearen ikuspegi integral batekin. Esaterako: historia, kultura, natura, ikuspegi materiagabea, soziologikoa eta juridikoa”. Izan ere, diziplinartekotasun hori “oso bideratuta dago Historian egresatutako pertsonen aukera profesionalak zabaltzera, irakaskuntzarekin eta ikerketaren munduarekin lotutako irteera profesionalei, bi aipamenen bidez lan merkatuaren eskari berriak betetzeko borondatea gehitzen baitzaie”.
Txosten horren arabera, Historiako eta Ondareko gradu berri horrek gabezia bat beteko du, Nafarroa baita “unibertsitateko ikasketa publiko eta presentzialetan Arteetako eta Giza Zientzietako gradurik eskaintzen ez duen autonomia-erkidego bakarra”.
NUPek aurki ezarri nahi dituen hiru gradu hauei erantsi behar zaie gradu berria: Psikologia, Nazioarteko Harremanak eta Lankidetza eta Medikuntza. Horrela erakunde nafarrak, ikasturte gutxi batzuetan, sortu zenetik egindako hezkuntza-eskaintzaren zabaltze handiena biziko du, 2018-2019 ikasturtean lau gradu berrietako ikasketak hasi baitira: Bioteknologia, Datuen Zientzia, Zientziak eta Ingeniaritza Biomedikoa.