Berrikuntzako eta Enpresa Esperientzietako Mintegian parte hartu duten ikasleen taldea, Arrosadiko campusean, eta haiekin Cristina Bayona (zutik, aurreko ilaran, 6.a ezkerretik hasita), Carlos Lunaren (zutik, aurreko ilaran, 5.a ezkerretik hasita) eta Javier Merinoren artean (zutik, aurreko ilaran, 7.a ezkerretik hasita).
Nafarroako Unibertsitate Publikoak (NUP) amaiera eman dio Ekonomia eta Enpresa Zientzien Fakultateak Unibertsitate-Gizarte Fundazioaren bidez antolatzen duen Berrikuntzako eta Enpresa Esperientzietako Mintegiaren XXIII. edizioari, zeinean graduko eta masterreko hogei ikaslek parte hartu baitute. Amaierako ekitaldian, Angulas Aguinaga enpresako Carlos Luna Castillo zuzendari nagusia aritu da hizlari, eta “Merkatu helduetan berritzea” izeneko hitzaldia eman du.
Halaber, ekitaldiko buru izan dira Cristina Bayona Sáez Ikasleen gaietarako, Enplegurako eta Ekintzailetzarako errektoreordea eta Javier Merino Díaz de Cerio Enpresen Kudeaketa Saileko irakasle, INARBE (Institute for Advanced Research in Business and Economics) institutuko ikertzaile eta mintegiko zuzendari akademikoa.
Edizio honetako hizlarien artean, nabarmentzekoak dira Roberto Mariscal Melero, Iberdrola Españako Berrikuntzako arduraduna; Ana Martínez Tanco, Martaneko zuzendari elkartua; Miguel Ugalde Barbería, MAPSAko zuzendari-kudeatzailea, eta Ana Ursúa Lasheras, Nafarroako Industriaren Elkarteko (AIN) zuzendari nagusia.
Espiritu ekintzailea sustatzea
Berrikuntzako eta Enpresa Esperientzietako Mintegia enpresa-munduko profesionalekin egindako mahai-inguruetan eta amaierako lan batean datza, eta bertan topaketak antolatzen dira unibertsitateko ikasleen eta zenbait sektoretako enpresetako buruen artean, zeinak beren izaera berritzailearengatik eta enpresa-ehunari egindako ekarpenarengatik nabarmendu baitira. Mintegiaren helburua da unibertsitateko komunitatean espiritu ekintzailea sustatzea, titulazio ezberdinetako ikasleen eta enpresetako arduradunen arteko topagune bat sortuz.
Bertan parte hartu duten ikasleak graduko bost titulaziotakoak (Enpresen Administrazio eta Zuzendaritza, Zuzenbidea, Ekonomia, Industria Teknologietako Ingeniaritza eta Lan Harremanak eta Giza Baliabideak) eta master batekoak (Enpresen Zuzendaritza) dira.
Ikasle parte-hartzaileak
Hauek dira Berrikuntzako eta Enpresa Esperientzietako Mintegiaren XXIII. edizioan parte hartu duten ikasleak, ordena alfabetikoan jarrita eta egiten ari diren titulazioa ere aipatuz: Andrea Carolina Aguilar Carrillo (Unibertsitate Masterra Enpresen Zuzendaritzan), Lorena Barberena Mariñelarena (Gradua Lan Harremanetan eta Giza Baliabideetan), Joan Caicedo García (Gradua Zuzenbidean), Ana Lucía Caicedo Leitón (Unibertsitate Masterra Enpresen Zuzendaritzan), Anne Claver Zabala (Gradua Enpresen Administrazio eta Zuzendaritzan), Aitor Español Loyola (Unibertsitate Masterra Enpresen Zuzendaritzan), Paula Ferri Jáuregui (Gradua Ekonomian), Anton Fialkovskyi (Gradua Enpresen Administrazio eta Zuzendaritzan), Juliettha García Escalante (Unibertsitate Masterra Enpresen Zuzendaritzan), Javier García Unzué (Gradua Zuzenbidean), María Izu Goicoechea (Gradua Lan Harremanetan eta Giza Baliabideetan), Paloma López Bonilla (Gradua Lan Harremanetan eta Giza Baliabideetan), Diana Carolina Ochoa Giles (Gradua Enpresen Administrazio eta Zuzendaritzan), Irune Pérez de Urabayen Solanas (Gradua Lan Harremanetan eta Giza Baliabideetan), Ana Ruiz Ilundáin (Gradua Industria Teknologietako Ingeniaritzan), Fermín Sagaseta de Ilúrdoz Fernández (Unibertsitate Masterra Enpresen Zuzendaritzan), Berta Senosiáin Muro (Gradua Lan Harremanetan eta Giza Baliabideetan), Itsaso Severiano Recalde (Gradua Lan Harremanetan eta Giza Baliabideetan), Renzo Erick Valdivieso Soto (Unibertsitate Masterra Enpresen Zuzendaritzan) eta Mónica Vidaurre Porras (Gradua Lan Harremanetan eta Giza Baliabideetan).