Nafarroako Unibertsitate Publikoak heldu den astelehenean, azaroaren 24an, hasiera emango dio Aste Ekintzailearen VI. edizioko ekitaldi programari. LUCE Enpresak Sortzeko Unibertsitate Laborategiak antolatu du NNUP/La Caixa Lidergo Katedrarekin lankidetzan, kultura ekintzailea unibertsitateko komunitateari hurbiltzeko xedez.
Asteko agenda astelehenean hasiko da ikasgeletan egingo diren lantegiekin unibertsitateko lizentziadun diren ekintzaileekin batera. Horiek gaur egun beren enpresak zuzentzen dituzte eta beren negozio eredua eta enpresa-erreferentzia azalduko dituzte. Saio horiek ostiralera arte egingo dira ingeniaritzetan (industria, telekomunikazioa, informatika, nekazaritzako elikagaiak eta landa ingeniaritza), EAZ, Lan Harremanak eta Elikagaien Prozesuen eta Produktuen Berrikuntza.
Hilaren 24an LUCEek sustatutako eta CEINek emandako "Ekintzailearen Estrategia" programan parte hartzen duten bost taldeetako partaideen proposamenak aurkeztuko dituzte. Programa honi esker, EAZ eta Zuzenbideko lizentziatura bikoitzeko seigarren mailako zenbait ikaslek lehen pertsonan eta taldean bizi izan dute proiektu ekintzaile bat diseinatzeko, eratzeko eta gauzatzeko prozesu osoa.
Asteartean (Hartu kafe bat honekin: ...) solasaldi bat egingo da, irakasleei eta ikertzaileei zuzendua; bertan parte hartuko du José Javier Armendáriz Clave Mayor enpresako buruak, eta ekintzailetzari buruz duen ikuspegia azalduko du. Jarduera honekin lortu nahi da parte hartzaileek gonbidatuarekin partekatzea beren kezkak eta esperientziak, eta aholkularitza eta ideia berriak jasotzea, azken finen jakintza bestetaratzeko aukera emanez.
Ostegunean "Arratsaldea ekintzaileekin" saioa egingo da, JovenEmprende.es plataformak sustatua. Hitzaldi bat arrakastaz garatzeko gakoei buruzko lantegi praktiko bat eta solasaldi bat ekintzaileekin egingo dira, eta bertan ekintzaileek azalduko dute nola jarri dituzten abian beren negozioak.
Ostiralean ere gizarte ekintzailetza izango da protagonista, mota honetako ekintzailetzari buruz sakonduko baita, eta gure komunitatean dauden adibide praktikoak erakutsiko dira. Jarduera hau NUPeko Hiritartasunari, Bizikidetzari eta Aniztasunari buruzko UNESCO Katedrak antolatu du.
Aste Ekintzailea da LUCEk garatzen duen ekintzetako bat. Nafarroako Unibertsitate Publikoaren, CEIN Nafarroako Berrikuntza eta Enpresen Europar Zentroa erakunde publikoaren eta Unibertsitatean ekintzailetza sustatzeko jarduerak eta zerbitzuak biltzen dituen Nafarroako Enpresaburu Gazteen Elkartearen ekimena da.