Iturramako jubilatuen elkarteak NUP bisitatu zuen 2012ko otsailean.

Guztira 3.790 lagun etorri dira bisitan, 2012. urtean, Nafarroako Unibertsitate Publikoko Iruñeko Arrosadiko campusa eta Tuterako campusa ikustera, “Ateak Zabalik” izeneko programa dela-eta, horrela modua ematen baitzaie, hala egin nahi dutenei, hezkuntza erakunde honen instalazio nagusietan zehar ibilbide gidatu bat egiteko.

Bisitarien erdiak inguru (osotara 1.857 lagun) 2012. urtean Nafarroako Unibertsitate Publikora unibertsitatearen hezkuntza-eskaintza eta instalazio eta zerbitzu nagusiak ezagutzera etorritako Bigarren Hezkuntzako 39 ikastetxetakoak dira. Beste elkarte, talde eta pertsonalitate batzuen bisitak ere izan dira; batzuk, kanpotik etorriak, batez ere Amerikako eta Europako herrialdeetatik.

“Ateak Zabalik” doako programan parte hartzeko eta bisita gidatua egiteko interesa dutenek 948 169007 telefono zenbakira deitu edo posta elektronikoko helbide honetara idatzi behar dute: oficina.promocion@unavarra.es

Bigarren hezkuntzako ikastetxeek bisita egiteko bi modalitate dituzte aukeran: bat, klase oso bati zuzendua da, eta ikasleek instalazioak bisitatzen dituzte eta hitzaldi informatibo bat ematen zaie; eta bestea, titulazio jakin batean edo kideko titulazio-multzo batean interesatuak dauden ikasle-taldeei zuzendua, eta modalitate honetan ikasleek ikerketa-laborategiak bisitatzen dituzte irakasle baten laguntzaz. Unibertsitatearen bisita programari buruzko informazioa web helbide honetan dago: http://www1.unavarra.es/conocerlauniversidad