Nafarroako Unibertsitate Publikoak Unibertsitateko V. Antzerki Jaialdia eginen du apirilaren 16tik 21era, eta programatutako emanaldiak Iturramako Civivox aretoan eskainiko dira, 20.00etan. Sarrerak hiru eurokoak izanen dira. Guztira bost antzezlan taularatuko dira ondoko unibertsitate hauetako taldeek emanak: Zaragozako Unibertsitatea, Ourenseko Unibertsitatea, Lleidako Unibertsitatea, Gaztela-Mantxako Unibertsitatea (Soria), eta Madrilgo Juan Carlos I Unibertsitatea.
Zaragozako Unibertsitateko Antzerki Gelak hasiera emanen dio zikloari apirilaren 16an, “Amor de don Perlimplín con Belisa en su jardín” lanarekin, Federico García Lorcak 1933an idatzitako testu dramatiko laburra. Protagonista, gizon zaharra amodiorik ezagutzen ez duena, Belisa gaztearekin maitemintzen da eta harekin ezkontzen da neskaren amak bultzaturik.
“Un nuevo mundo feliz” da bigarren antzezlanaren izenburua, “Maricastaña” Ourenseko Unibertsitateko Antzerki Gelak apirilaren 17an taularatuko duena. Mundu zoriontsu berri horretan Alfa + delakoak dira protagonistak. Munduko Estatuaren kontrolpean bizi dira, antraxen leherketen, eraikin historikoen eraispenen eta hainbat errepresioen ondoan sortutako alderdi batean. Mundu zoriontsu horretan ahots disidenteak agertzen dira eta azkenean bat egiten dute beharrak, interesak, amodioak edota adiskidetasunak bultzatuta.
Lleidako Unibertsitateko Antzerki Taldeak “Desalmados” izeneko lana eskainiko du apirilaren 18an. “Doku-show” bat da non lau lehiakidek, euren bizitzaren momenturen batean arima deabruari saldu diotenek, hura berreskuratu nahi duten.
Programaturiko azken ikuskizunak Soriako (Gaztela-Mantxa) Unibertsitateko Magisteritzako Antzerki Taldearena eta Madrilgo Juan Carlos I Unibertsitateko Antzerki Taldearena izanen dira. Lehendabizikoek “Fuera de quicio” antzeztuko dute apirilaren 19an. Istorioa psikiatriko batean giroturik dago eta lau protagonista dira pertsona zentzudun bakarrak.
“Noches de amor efímero” izeneko lana da Madrilgo Juan Carlos I Unibertsitateko Antzerki Taldeak hautatu duena eta zikloari amaiera emanen dio apirilaren 20an. Argudioa egituratzen da hiru istorio laburren bitartez eta istorio horietan protagonistek hiriko gauaren besarkada bilatzen dute beren bakardadetik salbatzeko, emakume eta gizon baten ezusteko topaketen bidez.