Nafarroako Unibertsitate Publikoak bigarren aurreinskripzio epe bat ireki du Master ikasketa ofizialak egiteko 2010-11 ikasturtean. Aurreinskripzioa Internet bidez egin daiteke abuztuaren 27 arte eta irailaren 6 eta 7an. Prozesu honi buruzko informazioa www.unavarra.es webgunean kontsulta daiteke.

Oraindik badaude ikaspostu hutsak NUPek hurrengo ikasturterako eskaini dituen Unibertsitateko 23 Masterretatik 20tan. Zehazki, interesa dutenek aurreinskripzioa egin dezakete Master hauetan: Unibertsitate Masterra Gizarte Moderno Aurreratuetako Aldaketa Dinamiketan, Unibertsitate Masterra Historia, Espazio eta Ondareari buruzko Ikasketa Aurreratuetan, Unibertsitate Masterra Musika Gaitasunen Garapenean, Unibertsitate Masterra Ingurumen Agrobiologian, Unibertsitate Masterra Agrobioteknologian, Unibertsitate Masterra Kimika Iraunkorrean, Unibertsitate Masterra Nekazaritzako Elikagaien Industrietako Teknologian eta Kalitatean, Unibertsitate Masterra Kimika Sintetiko eta Industrialean, Unibertsitate Masterra Ingeniaritza Biomedikoan, Unibertsitate Masterra Materialen eta Fabrikazioaren Ingeniaritzan, Unibertsitate Masterra Ingeniaritza Mekaniko, Aplikatu eta Konputazionalean, Unibertsitate Masterra Matematikako Ikerketarako Sarreran, Unibertsitate Masterra Informatikako Teknologietan, Unibertsitate Masterra Modelizazio Matematikoan, Estatistikan eta Konputazioan, Unibertsitate Masterra Komunikazioetan, Unibertsitate Masterra Osasun Zientzien Ikerketan, Unibertsitate Masterra Osasun Publikoan, Unibertsitate Masterra Erizaintza Zainketen Kudeaketan, eta Bigarren Hezkuntzako Irakasleen Prestakuntzari buruzko Unibertsitate Masterraren espezialitate gehienetan (Matematika, Biologia eta Geologia, Fisika eta Kimika, Geografia eta Historia, Gaztelania eta Literatura, Ingelesa, Ekonomia eta Enpresen Administrazioa).

Bestalde, titulu ofizial hauetan bete dira ikaspostu guztiak: Unibertsitate Masterra Gizabanako, Familiako edo Taldeko Esku-hartzean, Unibertsitate Masterra Proiektuen Zuzendaritzan eta Unibertsitate Masterra Energia Berriztagarrietan: Elektrizitatea sortzea. Ez dago ikaspostu hutsik Bigarren Hezkuntzako Irakasleen Prestakuntzari buruzko Unibertsitate Masterraren bi espezialitate hauetan: Teknologia eta Sistema Elektronikoak.

Bigarren aurreinskripzio-aldi honetako onartuen zerrenda irailaren 13an argitaratuko da, eta matrikulazioa irailaren 20a eta 24a bitarte egin ahalko da. Nafarroako Unibertsitate Publikoak hirugarren aurreinskripzio epe bat irekiko du urri hasieran ikaspostu hutsak dituzten Unibertsitate Masterretan.