Ezkerretik eskuinera: Alejandro Torres (NUP), Andoni Arano (NUP), Marta Cristina González (NUP), Samuel Miguel Ciáurriz (NUP), Maite Aznárez (NUP), Nerea Enériz (NUP), Leyre Platero (NUP), Edurne Angosto Iñigo (EHU), Leyre Luisa Azcona (NUP), Mario Peña (EHU) eta Naiara Elizagarate (EHU).
2009-2010 ikasturtean, Europako sei unibertsitatek osatzen duten kontsortzio baten kidea da Nafarroako Unibertsitate Publikoa “Defining human rights: social, legal and political dimensions of the European dialog” (“Giza eskubideak definitzen: europar elkarrizketaren alderdi sozial, legezko eta politikoak”) Europar Batasunaren Nazioarteko Proiektuaren esparruan. Lankidetza horren barnean sartzen da irakasle eta ikasleen trukea, bai eta gaiari buruzko Udako eskola bat ingelesez ere. Hain zuzen, jardunaldiak egun hauetan egiten ari dira Krakovian (Polonian), eta NUPeko Zuzenbide titulazioko eta Zuzenbideko eta Enpresen Administrazio eta Zuzendaritzako titulazio bikoitzeko (EAZL) zazpi ikasle joan dira bertara. Proiektuaren finantzabidea 37.150 eurokoa da.
Nafarroako Unibertsitate Publikoaz gainera, erakunde hauek dira kontsortzioaren kide: Krakowska Akademia im. Krakoviako Andrzeja Frycza Modrzewskiego (Polonia), Sofía eta Plovdiveko Unibertsitateak (Bulgaria), Mazedoniako Western Unibertsitatea (Grezia) eta Euskal Herriko Unibertsitatea.
Udako Eskolara joan diren Nafarroako Unibertsitate Publikoko zazpi ikasleak hauek dira: Andoni Arano Sastre (Zuzenbidea), Leyre Luisa Azcona Sanz de Galdeano (Zuzenbidea eta EAZL), Maite Aznárez Araiz (Zuzenbidea eta EAZL), Samuel Miguel Ciáurriz Urdániz (Zuzenbidea), Nerea Enériz Sánchez (Zuzenbidea eta EAZL), Marta Cristina González Sanz (Zuzenbidea eta EAZL) eta Leyre Platero Urra (Zuzenbidea eta EAZL). Euskal Herriko Unibertsitateko eta Polonia, Grezia eta Bulgariako beste hogeita hamar ikaslerekin batera parte hartzen ari dira Udako eskolan. Eskola horrek europar proiektuaren izenburu bera dauka eta Poloniako aipatu hiriko Krakowska Akademia im. Andrzeja Andrzeja Frycza Modrzewskiegon egiten ari dira.
Udako eskolan parte hartzeko lehiaketa
2009ko irailetik abendura bitarte egindako lehiaketa publiko irekiaren bidez hautatu ziren ikasleak, eta hautaketa egiterakoan kontuan hartu ziren ingelesaren ezagutza, ikasketa kalifikazioak eta aldez aurretik giza eskubideei buruz ikasle bakoitzak ingelesez egindako lan baten ebaluazioa. Gero, beren lanetan sakontzeko aukera izan zuten ikasleek, beren irakasle tutoreen ikuskaritzapean: Alejandro Torres Gutiérrez, Nafarroako Unibertsitate Publikoaren Zuzenbide Publikoko Saileko katedraduna, eta Adoración Castro Jover, Euskal Herriko Unibertsitateko katedraduna.
Europar Batasunean giza eskubideen egoerari buruzko azterketa konparatu batean oinarritzen da Udako eskolaren programa, diziplinarteko ikuspegi batetik (juridikoa, legezkoa eta politikoa). Horretarako, Zuzenbidean, Nazioarteko Harremanetan, Politika Zientzian eta Historian adituak diren poloniar, bulgariar, greziar eta espainiarrak parte hartzen ari dira. Ikasleak era aktiboan esku hartzen ari dira: batetik, aldez aurretik egindako lanak, txosten nazionalak egiteko erabili direnak, ahoz azalduz; lan horietan, giza eskubideen egoera aztertzen da proiektuaren kide den herrialde bakoitzean. Eta, bestetik, gai honi buruzko legediaren eta Europako errealitate sozialaren azterketa konparatua egiteko antolatzen diren “workshops” edo lantegi batzuk garatuz.