Ikasle ohien topaketako parte-hartzaileak, Arrosadiko campuseko Arrainontzian, NUPeko errektorearekin batera.

Topaketa 18:30ean hasi zen “Arrainontzia” ikasgelan, NUPen elkarlanean egindako jardueretarako sortu berri diren guneetako batean. Ramon Gonzalo errektorearen agurraren eta ongietorri-hitzen ondoren, taldeen argazki ofizialak egin ziren, tituluen arabera. Gero, eskolak jaso zituzten ikasgeletara itzuli ziren parte-hartzaileak, eta irakasleekin elkartu ziren. Topaketari azkena emateko, aperitiboa eta musika izan zituzten ikasle ohiek jantokien eraikinaren ondoko karpan.

Honako fakultate eta eskoletako ikasleak joan ziren ikasle ohien topaketara: Osasun Zientzien Fakultatea (lehengo Osasun Ikasketen Eskola), Ekonomia eta Enpresa Zientzien Fakultatea; Giza, Gizarte eta Hezkuntza Zientzien Fakultatea; Zientzia Juridikoen Fakultatea; Industria, Informatika eta Telekomunikazio Ingeniaritzako Goi Mailako Eskola Teknikoa; Nekazaritzako Ingeniaritzako eta Biozientzietako Goi Mailako Eskola Teknikoa.