Nazioko edo atzerriko liburutegiek eta dokumentazio zentroek Nafarroako Unibertsitate Publikoko liburutegiko dokumentuak (jatorrizkoak edo erreprodukzioak, kasuaren arabera) eskatzen ahal dituzte, liburutegi arteko maileguaren bidez.

Dokumentuak kulturaren edo zientziaren arloko ikerketa pertsonal bat egiteko direnean ematen dira soil-soilik. Erabiltzailea da dokumentu horien erabileraren erantzulea Jabetza Intelektualari buruzko Legearekin bat etorriz (Jabetza Intelektualari buruzko 1/1996 ED).

NUPLko Liburutegien arteko Mailegurako Zerbitzuak gorde egiten ditu CRUE-Rebiunek (Espainiako Unibertsitate Liburutegien Sarea) hartutako erabakiak eta IFLAren (Liburutegi Elkarte eta Erakundeen Nazioarteko Federazioa) liburutegien arteko mailegu prozeduraren printzipio eta jarraibideak.

NOLA EMAN ALTA ZERBITZUAN

Nola eman alta zerbitzuan

Liburutegi edo dokumentazio zentro bat oraindik ez bada zerbitzuaren erabiltzailea, zerbitzuaren erabiltzaile izateko eskaera aurkeztu behar da behin bakarrik, posta elektronikoaren bidez, eta liburutegia edo dokumentazio zentroa behar bezala identifikatzeko beharrezkoak diren datu guztiak eman behar dira: Izena, helbidea, arduraduna, posta elektronikoa, telefonoa eta IFK.

Subir

Nola eskatu dokumentuak

Dokumentuak bi bidetatik eskatuko dira:

• GtBib-Sod aplikazioa daukaten zentroek eskaera SOAPen bidez egiteko aukera dute. Dokumentuak modu seguruan bidali eta jasotzeko aukera ematen du SOAPek.
• Helbide elektronikoa

Dokumentu bat liburutegietan dagoen egiaztatzeko, liburutegien katalogoetan kontsulta egin behar da aurretiaz:

• Katalogoa
• Sirius (informazioa berreskuratzeko zerbitzu integratu)
• Aldizkari-e (aldizkari elektronikoak)

Subir

Zer dokumentu eskatzen ahal diren

• Maileguan hartutako liburuak, doktoretza tesiak, aldizkarietako artikuluak edo liburuen parteak (dela paperean, dela formatu elektronikoan) eta ikus-entzunezko materiala.
• Ezin dira eskatu erreferentzia-lanak, aldizkarien ale osoak, liburu elektronikoak, ikasleei gomendatutako bibliografia.

Subir

Jatorrizkoak bidaltzea

Jatorrizko agirien, paperezko liburuen edo bestelako euskarriko liburuen mailegua denean, mezulari-zerbitzuen bidez igorriko ditugu. Agiriaren itzulketa ere mezulari-zerbitzuen bidez edo posta ziurtatuaren bidez egin behar da, betiere bigungarriarekin bilduta.

Mailegu epea hilabetekoa da jasotzen denetik. Epe hori luza daiteke, betiere aldez aurretik eskaera eginda, eta beste erabiltzaileren batek ez badu dokumentu horretarako erreserba egin.

Subir

Doktoretza tesiak

Tesiak inprimaki batekin batera igortzen dira. Tesia kontsultatuko duenak inprimaki hori bete behar du hitza emanez soilik ikerketarako edo azterketa pribatuetarako erabiliko duela, eta testuaren kakotx arteko aipamen laburrak besterik ez dituela erreproduzituko, egilea eta iturria adierazita.

Subir

Tarifak

• Liburutegien arteko Mailegurako Zerbitzuak tarifa batzuk ditu.
• REBIUNEK tarifak ezarri, onartu eta bere web-orrialdean argitaratzen ditu (2023rako) REBIUNeko kide diren liburutegientzat: artikuluetarako, 3,30 euro + indarrean den BEZa; jatorrizkoen mailegurako, 8 euro
• Atzerriko liburutegientzat, ordainketa IFLA Vouchers-en egiteko aukera dago.

Subir

Harremanetarako

Posta-helbidea

Liburutegien arteko Mailegu Zerbitzua (Dokumentuak Eskuratzeko Bulegoa)
Liburutegia
Nafarroako Unibertsitate Publikoa
Arrosadiko Campusa s/n
31006 Iruñea (Nafarroa)

Telefonoa

(0034) 948 16 90 68
(0034) 948 16 96 65

Posta elektronikoa

Subir