Beharrezkoa da egiaztatzea eskatutako agiriak ez daudela liburutegian, katalogoan kontsulta eginez.
Honakoak eska daitezke:
Graduko eta graduondoko ikasleentzat gomendatzen den bibliografia
Liburutegia arduratzen da graduko eta graduondoko ikasleentzat gomendatzen den bibliografia erosteaz.
Liburutegiko Katalogoan aukera dago kontsultatzeko gomendatzen den bibliografia titulazioka eta irakasgaika.
Erosketa eskaera egiteko, ikasleentzat gomendatutako liburuak erosteko inprimakia betetzea aholkatzen da. Inprimakia Argitalpen Bakarretako Bulegora bidaliko da.
Irakaskuntzarako eta ikerketarako bibliografia
Liburuak erosteko aurrekontu-sailak zentralizatuta daude eta liburutegia da aurrekontu-sail horien kargura erosi nahi diren argitalpen guztiak erosteko arduraduna.
Kontuan hartuko dira Sail bakoitzari esleitutako aurrekontuak ezartzen dituen aurrekontu-betetzearen arauak, eta Nafarroako Unibertsitate Publikoaren urte bakoitzerako Aurrekontuak Betetzeko eta Likidatzeko arauak, non epe muga bat ezartzen baita bibliografia erosteko eskaerak jasotzeko.
Erosketa eskaera egiteko, irakaskuntzarako eta ikerketarako bibliografia erosteko eskaera inprimakia jaitsi eta igorri behar da Arrosadiko Liburutegiaren Banakako Argitalpenen Bulegora. Beharrezkoa da gastuaren ardura eta baimena duen pertsonaren sinadura.
Aldizkariak
Edozein aldizkariren harpidetza egitea iradoki daiteke. Liburutegiak eskaerei erantzungo die beti ere unibertsitateko komunitatearentzat interesgarriak badira eta aurrekontuko baliabideen arabera.
Aldizkariak iradokitzeko, erosteko iradokizunaren inprimakia bete behar da, aldizkaria aukera hautatuz.
Zure eskaeren egoera kontsultatzeko aukera daukazu Nire Liburutegia gune pertsonalean identifikatuz.
Banakako Argitalpenen Bulegoa
Unibertsitateko Liburutegia
Arrosadiko campusa
biblioteca.adquisiciones@unavarra.es
Tel.: 948 169062
Aldizkari Zientifikoen Bulegoa
Unibertsitateko Liburutegia
Arrosadiko campusa
biblioteca.revistas@unavarra.es
Tel.: 948 169067
Ikasleentzako bibliografia gomendatua erosteko eskaera
Irakaskuntzarako bibliografia erosteko eskaera