Aurkezpena

EMAN IZENA   

Irekiak daude gure gizartean egiturazko aldaketarako zenbait dinamika sakon. Klima aldaketaren ondorioak, pobretasuna handitzea, gizonen eta emakumeen arteko bereizkeria, migrazio prozesuak eta gaixotasun berriak dira gure gizarteak aurrean dituen desafioetako batzuk.

Gure sistemaren joerak sakon ezagutzeak ikuspegi zabala ematen digu ekintzaile eta laguntzaile izateko eta nonahitik ekarpenak egiteko, toki horretatik ere modu positiboan hazteko eta etorkizun hobea sortzen laguntzeko.

Garapen jasangarrirako zeharkako gaitasunei buruzko bederatzi ikastaro diseinatu ditugu horretarako. Geroko belaunaldiak arriskuan jarri gabe gaurko gizartearen beharrei erantzuten laguntzen diena da garapen jasangarria, ingurumena errespetatzeko eta jendearen ongizatea ziurtatzeko bermea ere ematen duena. 

Etorkizuna ziurtatua dute garapen jasangarriaren ikuspegi horretan ongi errotzen diren lan proiektuek.

30 ECTS gaindituak dituzten NUPeko zeinahi gradutako ikasleei edo masterreko ikasleei zuzentzen zaie programa.

(1) Hauek dira Zeharkako Gaitasun Profesionaletako Unibertsitateko Espezialistaren titulua lortzeko betebeharrak:

1. NUPen ikasten zauden bitartean Zeharkako Gaitasunen Prestakuntza Programako 15 eta 18 ikastaro bitarte gainditzea.
2. Gutxienez multzo bakoitzeko 3 ikastaro egitea. Hauek dira multzoak: garapen pertsonala, alderdi digitalak eta garapen jasangarria.
3. Graduko titulua eskuratzea.
4. Titulu berekia eman diezazutela eskatzea eta dagozkion tasak ordaintzea.

(2) Prestakuntza osagarriko unibertsitate jarduerengatiko kredituak aitortzeko prozedura.

Laguntzaileak: