Aurkezpena

Jarduera honetan orkestrako entseguak egiten dira musika-zuzendariarekin. Errepertorio zabala eta kalitatezkoa jotzen dugu (soinu-bandak, ganbera-musika, musika sinfonikoa), eta musika-tresna guztietako jotzaileek har dezakete parte.

Ikastaroaren helburuak:

• Musika-prestakuntza jasotzea talde egonkor batean.
• Errepertorio zabala eta kalitatezkoa interpretatzea.
• Jendaurreko emanaldiak egitea bai Unibertsitateko ekitaldietan bai beste testuinguru batzuetan.
• Musikari profesional gonbidatuekin lankidetzan aritzea.
• Orkestrarekin solista gisa aritzeko aukera izatea.
• Beste kultura-erakunde batzuekin birak eta/edo trukeak egitea.