Nafarroako Logistikaren Katedrak ezagutza sortzen lagunduko du, prestakuntzako, ikerketako eta teknologia transferitzeko ekintzen bidez, logistikako eta mugikortasuneko gaietan aurrera egiteko. Zehazki, NUPen eta aipatutako erakundeen arteko lankidetza bultzatuko du, ezagutza berria sortzearren eta haien artean interes komuneko alderdi guztien zabalkundea sustatzearren.

Era berean, ikerketa aurreratua sortu nahi du Nafarroan ikasketen eta enpresen esparruak behar bezala integratzeko, kanporantz zabaltzeko asmoz. Gainera, unibertsitateko ikasleei eta pertsona nahiz merkantzien garraioaren sektoreko eta logistikako profesionalei prestakuntza praktikoa ematen lagunduko du katedrak. Era berean, babesa emanen die katedraren xedearekin lotutako transferentzia-jarduerei.