2023ko maiatzaren 12a. Logistikaren Katedraren IALentzako 2023ko sarien ebazpena

Sarien epaimahaiak eztabaidatu ondoren, honako sari hauek ematea erabaki da:

• Gradu amaierako lanaren modalitaterako:
  • Lehenbiziko saria, 1.000 €-koa: Agustín Huerga Arévalo jauna.
  • Bigarren saria, 500 €-koa: Álvaro Muro Aranguren jauna.

• Master amaierako lanaren modalitaterako:
  • Lehenbiziko saria, 1.000 €-koa: Sergio Martínez Abad jauna.
  • Bigarren saria, 500 €-koa: honako hauei eman zaie, ex aequo:
    • Lucas Monreal Ciáurriz jauna.
    • Camila Berenice Rubio Cárdenas andrea.

Kontsultatu emakidaren ebazpena.

NUPen Logistikaren Katedraren IALentzako 2023ko sariak emateko ekitaldia datorren asteazkenean eginen da, ekainak 7, 12:30ean, Nicolás García de los Salmones aretoan, Olibondoak eraikineko lehenbiziko solairuan, Nafarroako Unibertsitate Publikoak Iruñean duen Arrosadiko campusean.

Ekitaldia komunitate osoari dago irekita, eta ordubeteko iraupena izanen du. Hiru partetan banatuta egonen da:

1. Hasierako hitzaldia, 30 minutukoa. Hizlariak logistikarekin eta garraioarekin zerikusia duten gai orokorrak jorratuko ditu.
2. Saridunak banan-banan deitu eta haiei diplomak ematea.
3. Modalitate bakoitzean irabazi duten IALen azalpen labur bat. 

--

Nafarroako Unibertsitate Publikoak, NUPen Logistikaren Katedra osatzen duten entitate lankideekin batera (ANET, CEN, ANEM, ALINAR eta NASUVINSA), uste dute beharrezkoa dela ezagutza sortzea garraioaren, logistikaren eta mugikortasunaren arloetan, unibertsitateko ikasleentzako eta sektoreko profesionalentzako prestakuntza- eta ikerketa-jarduerak eginez.

Hori dela medio, Logistikaren Katedrak deialdia egiten du 4 sari emateko 2020-2021 edo 2021-2022 ikasturtean Campus Iberus osatzen duten unibertsitateetako batean aurkeztu diren eta “gainditua” kalifikazioa lortu duten Ikasketa Amaierako Lanik hoberenei. Graduko eta masterreko edozein titulaziotako ikasleak aurkez daitezke baldin Ikasketa Amaierako Lana ikasturte horietan eta arlo hauetan egin bazuten: garraioa, logistika eta mugikortasuna.

Sarien deialdiak modalitate hauek izanen ditu:

1. Gradu Amaierako Lanen modalitatea.
   1. Lehenbiziko saria:1.000,00 euro. Epaimahaiak zilegi du kategoria honetan bi sari ex aequo ematea. Kasu horretan, erdi bana banatuko da saria bi irabazleen artean.
   2. Bigarren saria: 500 euro.
       
2. Master Amaierako Lanen modalitatea.
   1. Lehenbiziko saria:1.000,00 euro. Epaimahaiak zilegi du kategoria honetan bi sari ex aequo ematea. Kasu horretan, erdi bana banatuko da saria bi irabazleen artean.
   2. Bigarren saria: 500 euro.

Esteka honetan duzue prozedurari buruzko informazio gehiago.