Nafarroako Unibertsitate Publikoaren armarria Nafarroako armarriaren erdiko gunea betetzen duen esmeralda berde batek osatzen du, berau urrezko eraztun batek inguratua, zeinetatik urrezko bost katemaila ateratzen diren, hondo gorrian.
Enblemak biribil baten tankera du eta Publica Universitas Navarrensis lema ageri du inguruko azpilduran. Armarriaren irudikapen grafikoan, eta erakundearen marka eta irudi moduan erabiltzen denean, Unibertsitatearen izena idatziko zaio ondoan. Unibertsitatearen zigiluak armarria irudikatzen du.