Wikipedia Interneteko informazio-iturri ezagunena eta ikasleek gehien erabiltzen dutena bihurtu da.

Aldeko ezaugarriak:

• Etengabe berrikusten eta eguneratzen da.
• Editore batzuek beste batzuen lana gainbegiratzen eta berrikusten dute.
• Informazio asko dago

Aurkako ezaugarriak:

• Artikuluen egileak ez dira beti espezialistak; edonork idatz dezake Wikipedian.
• Artikuluen kalitatean irregulartasuna dago.
• Irregulartasuna artikulu berean, parte bakoitza egile desberdinarena baita.
• Egileak ez dira beti objektiboak gai polemikoetan.
• Ez da lehen mailako iturria eta ezin gara % 100ean fidatu datuen zehaztasunaz.

Wikipedia erabiltzeko aholkuak:

• Beste informazio iturri batzuetarako ebaluazio irizpide berak aplikatzea.
• Kalitateko bibliografia bat badauka, litekeena da artikuluaren fidagarritasun seinale bat izatea.
• Wikipedia bigarren mailako iturri bat da; datuen sorburu diren lehen mailako iturriak aipatu beharko lituzke.
• Artikuluaren eztabaida ikus daiteke onarpenaren gaineko ideia bat izateko edo artikuluan azaldutako ikuspegiaren neutraltasunik ezaren ideia bat izateko.

Ondorioak:

• Ongi dago Wikipedia erabiltzea, beste entziklopedia batzuen antzera, batez ere gaira lehenengo hurbilketa bat egiteko. Ezin da izan lan baten oinarria.
• Librea denez eta egile izengabeek idazten dutenez, zuhurtziaz jokatu behar da eta beste informazio iturri batzuetarako erabiltzen diren ebaluazio iragazkiak erabili behar dira.
• Wikipedia erabili baino lehen egiaztatu beharko litzateke liburutegiak lanaren gaiari buruz espezializatutako beste entziklopedia bat daukan edo ez.
• Wikipedia gaztelaniaz erabiltzen bada, komenigarria da artikuluari begirada bat ematea dakizkigun beste hizkuntzetan, alde nabarmenak dauden ikusteko, bai zabaltasunari, bai ikuspegiari edo neutraltasunari dagokienez.

Adibideak - Gaia: Bretton Woodseko akordioei buruzko lana

Hurrengo hiru estekak Bretton Woodseko akordioei buruzko lan baten sarrerak erabil daitezke; "Gure oharrak"; sakatuz horri buruzko jarraibide batzuk ikusten dira:

1. adibidea
	Wikipediako artikulua gaztelaniaz. Ongi dagoela ematen du, baina ez du aipatzen ez bibliografiarik ez iturririk. Esteka batzuk jartzen ditu, baina garrantzi gutxikoak, beste web orrialde batzuk dira. Ongi legoke gaira lehen hurbilketa bat egiteko, baina ez litzateke lanean erabili behar, bertan erabilitako datu eta teoriek ez baitute fidagarritasunik.
2. adibidea
	Wikipediako artikulua ingelesez. Bibliografia zabala eta kalitatekoa. Datuei eta teoriei buruzko iturriak ere aipatzen ditu. Kalitateko estekak, entziklopedia eta irakaskuntza lanetara. Izengabea bada ere, Wikipediako gauza guztiekin gertatzen denez, lanerako material erabilgarria izan liteke, material hoberik aurkitzen ez bada.
3. adibidea
Campusa ez, beste leku batetik konektatua bazaude, baliabide elektronikoen atariaren. Erregistratu zarenean, jarraitu ibilbide hau: "Enciclopedias electrónics" -->  The New Palgrave Dictionary of Economics --> Search: "Bretton Woods"	The New Palgrave Dictionary of Economics Onlineko artikulua. Liburutegiak emandako entziklopedia elektroniko bat da. Gaiari buruzko bibliografia, iturriak eta estaldura osoa eskaintzen ditu. Peter B. Kenenek sinatuta dago. Gaiari buruzko espezialista ospetsua da eta gaiaren gainean hainbat lan egin ditu, egile hori ISI Web of Knowledge, Scopus edo Econlit datu baseetan bilatuz frogatzen denez. Lanean erabil daitekeen iturri entziklopediko onena da.