Informazioa aukeratzea eta ebaluatzea

Gaur egungo informazio-inguruan, guztiz konektatu eta orokortuan, erlatiboki erraza da informazioa bilatzea eta aurkitzea. Arazoa izaten da informazio gehiegi egoten dela, eta informazio horretatik, zatirik handienak ez dauka inguru akademikoak eskatzen duen kalitate-maila.

Bil daitekeen informazio guztia berraztertzeko denborarik ez dagoenez, beharrezkoa da irizpideak ezartzea lan akademikorako informazio egokia zein den aldez aurretik ebaluatu eta, hortaz, aukera egiteko:

Informazioa aukeratzeko eta ebaluatzeko irizpideak:
 

Egokitasuna

Kontzeptu hau funtsezkoa da benetan behar den informazioa aukeratzeko. Egokitasuna ez datxekio, ezinbestez, informazioari: informazioaren garrantziarekin dauka zerikusirik, informazio-beharren ikuspegitik.

Informazio bat oso kalitate onekoa izan daiteke, baina gerta liteke ez izatea garrantzizkoa egiten ari den lanaren ikuspegitik, beste norbaiti zuzendua delako. Hau hainbat arrazoi direla medio gerta daiteke:

• Maila: informazioa aurreratuegia edo xaloegia izan daiteke nahi denerako.
• Geografikoak: informazioa lanaren ingurukoak ez diren eremu geografikoei edo herrialdeei dagokie.
• Denbora: informazioa ez dagokio lanaren denborari.
• Enfasia: Informazioa lantzen ari den gaiari buruzkoa da, baina enfasia gai horren beraren beste alderdi batean ipintzen du.
• Sakontasuna: informazioa oso espezifikoa da edo oso orokorra da nahi denerako.

Egokitasuna lortzeko aholkuak:

• Bilaketarako estrategia ongi planifikatzea, egokia ez den materiala ez lortzeko.
• Laburpenak irakurtzeak (abstract), egokitasunari buruzko ideia eman dezake.

Adibideak - Gaia: Elikagai transgenikoei buruzko lana

Ondoko adibideetan azaltzen dira zenbait informazio iturri, ezaugarri ezberdinak dituztenak, egokitasunari dagokionez. "Gure oharrak"; sakatzen badugu, hainbat jarraibide ematen dira oharrak iturri baliagarritzat hartzeko egokitasunaren ikuspegitik:

1. adibidea
	Elikagai transgenikoen zenbait alderdi ukitzen badira ere, lanerako ez da egokia, maila aurreratuegia delako eta sakontasunaren aldetik espezifikoegia delako. Gainera, genetikoki eraldatutako artoan jartzen du enfasia, eta hau ez da kasu honetan bereziki interesgarria..
2. adibidea
	Argentinako labore transgenikoen egoera deskribatzen du. Alde batera uztekoa da, geografikoki ez delako egokia.
3. adibidea
	Web-orrialde itxuraz sinplea eta pixka bat zaharra da, baina lanaren ikuspegitik egokia da alderdi guztietatik begiratuta.
4. adibidea
	Alde batera utziko dugu sinpleegia delako behar dugunerako.