Maiz egiten diren galderak

Noiz eta nola egin behar dut aurreinskripzioa lehenbiziko mailarako?

Inskripzio-eskaera maiatzaren 9tik 13ra (14:00ak arte).

Prozesua Interneten bidez egin daiteke, gure webgunean dauden argibideen arabera, edo, bestela, aurrez aurre, 9:00etatik 14:00etara arte, Esperientziaren Gelak dituen bulegoetan (Sario eraikina. 0 modulua. 1. solairua)

Nola ESLEITZEN DIRA IKASPOSTUAK?

Eskaerak gehiago baldin badira ikaspostuak baino, ikaspostuak ZOZKETAZ esleituko dira.

Maiatzaren 18an, 11:00etan eginen da esleipena.

Aurreneko 75 pertsonak izanen dira onartuak. Gainerakoak itxarote zerrendan geldituko dira zenbakituak.

Bi modu izanen dira aukeran zozketari jarraitzeko:

• Zuzenean. Izena eman duten guztiei email bana bidaliko zaie, eta horren bidez emanen zaie plataformara sartzeko esteka. 

• Grabaketa ikusiz. Esperientziaren Gelaren webgunean (https://www.unavarra.es/aula-experiencia/) argitaratuko da zozketa

Noiz eta non argitaratuko dira onartuen zerrenda eta itxarote zerrenda?

• BEHIN-BEHINEKO onartuen zerrenda eta itxarote zerrenda:

Maiatzaren 18an 12:00etatik aurrera argitaratuko dira Esperientziaren Gelaren bulegoetan, Fundazioan (Sario eraikinean), eta Esperientziaren Gelak duen webgunean.

• BEHIN BETIKO onartuen zerrenda eta itxarote zerrenda:

Maiatzaren 20an 10:00etatik aurrera argitaratuko dira Esperientziaren Gelaren bulegoetan den informazio taulan, eta Esperientziaren Gelak duen webgunean.

Onartzen banaute, noiz egin behar dut matrikula?

Maiatzaren 23tik 28ra bitarte. Matrikula astelehenetik ostiralera, 9:00etatik 14:00etara arte egin behar da Esperientziaren Gelak duen bulegoan. Matrikula Interneten bidez ere egin daiteke, gure webgunean dauden argibideen arabera.

Zein da matrikula egiteko aurkeztu behar dudan dokumentazioa?

• NANaren fotokopia
• Egiaztagiriak, deskonturen batez baliatu nahi izanez gero.

Bestela dokumentazio hori eskaneatu eta posta elektronikoz hona bidali:aula.experiencia@unavarra.es

Zein da ikasturtearen prezioa?

641 €, balio du ikasturte osoak, eta honela banakatzen da:

• Tasa akademikoak: 18,52 € kreditu bakoitzeko (18,52x30=555,60 €)

   

  • Espedientea irekitzean: 31,25 € (lehenbiziko urtean soilik ordaintzen da)
  • Kudeaketa administratiboaren gastuak ikasturte bakoitzeko: 41,15 €
  • "Cum laude" asegurua: 13 €

Nola ordainduko dut ikasturtearen zenbatekoa?

Ordainketa bakar bat egin dezakezu edo ordainketa zatikatua.

Ordainketa zatikatua egiten baduzu, honela ordainduko duzu:

Matrikula aurrez aurre egiten dutenei abonu agiria edo ordainketa gutuna eskura emanen zaie eta posta elektronikoz bidaliko zaie. Online egiten dutenei posta elektronikoz bidaliko zaie.
 

Ba al da matrikula ordaintzeko salbuespenik edo murrizketarik?

Bai, Hauek dira:

1. FAMILIA UGARI ARRUNTENTZAT (3 seme-alaba edo gehiago dituztenentzat)

• Nori aplikatzen zaion: familia ugari arruntei (1. kategoriako familiei).
• Salbuespena: % 50 prezio administratiboetan eta akademikoetan.
• Behar den dokumentazioa: familia ugari arruntaren txartela, indarduna izan behar duena matrikula egiten den unean.

2. FAMILIA UGARI BEREZIENTZAT (5 seme-alaba edo gehiago dituztenentzat)

• Nori aplikatzen zaion: familia ugari bereziei (2. kategoriako familiei).
• Salbuespena: % 100 prezio administratiboetan eta akademikoetan.
• Behar den dokumentazioa: familia ugari bereziaren txartela, indarduna izan behar duena matrikula egiteko unean.

3. DESGAITASUNEN BAT DUTENENTZAT

• Nori aplikatzen zaion: matrikula egiteko unean % 33ko desgaitasuna edo handiagoa dutenei.
• Salbuespena: % 100 prezio administratiboetan eta akademikoetan.
• Behar den dokumentazioa: desgaitasun hori egiaztatzen duen dokumentazio ofizial indarduna.

4. TERRORISMOAREN BIKTIMENTZAT

• Nori aplikatzen zaion: 32/1999 legearen onuradunei.
• Salbuespena: % 100 prezio akademikoetan.
• Behar den dokumentazioa: Barne Arazoetako Ministerioaren ziurtagiri egiaztagarria eta, hala behar denean, familia liburuaren fotokopia.

5. GENERO INDARKERIAREN BIKTIMENTZAT

• Nori aplikatzen zaion: 1/2004 Lege Organikoaren eta 14/2015 Foru Legearen onuradunei.
• Salbuespena: % 100 prezio akademikoetan.
• Behar den dokumentazioa: araudi indardunak ezarritako edozein dokumentu (biktima babestearen aldeko ebazpen judiziala, epai kondenatzailea, biktimaren aldeko kautelazko neurria...), edo, Nafarroan bizi direnen kasuan, Nafarroako Gobernuak Delituen Biktimei Laguntzeko Bulegoaren bitartez emandako akreditazioa. 

Noiz hasiko da ikasturtea?

Irailaren 6an. Eskolak asteartetik ostegunera bitartean izanen dira, 18:00etatik 14:00etara arte.

Norekin hitz egin zalantzaren bat izanez gero?

Belén Recalde Eseverri

Helbide elektronikoa: aula.experiencia@unavarra.es

Telefonoa: 948 16 97 32

NUP Fundazioa, Sario eraikina, 0. modulua Arrosadiko campusa, Nafarroako Unibertsitate Publikoa.

31006 Iruñea