Gaurko gizartearen aurrerapausoen ondorioz, eta aurreikuspenen arabera gertatuko diren aldaketa sozial eta demografikoak direla-eta, behar berrietara egokitu behar dira ezagupenak, eta desafio berriei aurre egiteko prestatu herritarrak. Jende askok, ordea, ezin izan du nahi beste ikasketa egin bere helburu eta desirak asetzeko, eta bada jendea lehendik duen prestakuntza osatzeko premia duena.

Horregatik, Nafarroako Unibertsitate Publikoak, herritar orori jakintza eta kultura emateko tresna den aldetik —herritarren adina zeinahi dela ere—, Esperientziaren Gelaren bidez duela 20 urte baino gehiago hasitako bideari segida eman nahi dio, prestakuntza jarraituko programak ematen jarraitzeko, bai Iruñean, bai Tuteran.

Tuterako Esperientziaren Gela

2025/2026 ikasturterako, Tuterako Esperientzia Gelak prestakuntza jarraituko zenbait ikastaro emanen ditu, interesa duten guztiei irekiak. Ikasturtean zehar, diziplina zientifiko eta humanistikoei buruzko sei prestakuntza emanen dira, ikastaroen eskaintza ahalik eta zabalena izan dadin: ikastaro bakoitza modu independentean egiten ahal da, eta interesa duten pertsonek nahi beste ikastarotan ematen ahal dute izena.

Iruñeko Esperientziaren Gela

Iruñeko Esperientziaren Gelak Giza eta Gizarte Zientzietako Unibertsitate Zabalpeneko Diploma eskainiko du 2025-2026 ikasturtean, Arrosadiko campusean. Diplomaren ikasketa-planak prestakuntza orokorra ematen du Giza eta Gizarte Zientzietan, modu malgu eta orekatuan, eta 50 urtetik gorakoen ezaugarriei eta egoera pertsonalei egokitua dago.

Izena emateko epe berezia, 1. ikasmailako ikasleentzat: 2025eko ekainaren 13tik 16ra, (14:00ak arte) Informazio gehiago hemen	Kredituak: 120 ECTS
Modalitatea: presentziala	Dirigido a: personas mayores de 50 años
Jakintza-arloa: diziplinartekoa	Matrikularen prezioa (tasak barne): 601,85 € Kontsultatu beste hobari eta salbuespen batzuk, NUPeko Gizarte Kontseiluak ikasketa berekien prezio publikoei buruz hartutako erabakian
Zuzendari akademikoa: José María Uribe Oyarbide	Hizkuntza: gaztelania
2025-2026 ikasturtearen hasiera eta amaiera: 2025eko irailetik 2026ko maiatzera.	Ikaspostuak: 75 Titulua emateko gutxieneko pertsona kopurua: 61
Non: NUPeko ikasgelak	Egun-orduak: De masteartetik ostegunera, goizez