Chef eta zientzia. Elkarrizketak eta dastaketak.

SAIOAK DOAKOAK DIRA, BAINA IZENA EMAN BEHAR DA ALDEZ AURRETIK

Maiatzak 29
Osagai berriak sukaldaritzaren abangoardian: intsektuak eta espezie inbaditzaileak

Tokia: NIBGMETeko gradu-aretoa. Olibondoak eraikineko 1. solairua. Arrosadiko campusa.

Ordua: 11:00etatik 13:30era

Hizlariak: 

• Diego Prado, nazioarteko sukaldaritza garaikideko sukaldari, ikertzaile eta aholkularia.
• Iñigo Ruiz de Escudero, Nekazaritza Ekoizpenaren arloko irakaslea, Entomologia Aplikatua espezialitatekoa, eta IMAB institutuko ikertzailea.
• Moderatzailea: Idoya Fernández, IS-Food institutuko irakasle eta ikertzailea.

Sormena, diseinua, zientzia eta arteak goi sukaldaritzan batzen dira jasangarritasunari eta elikagaiak xahutzearen aurkako borrokari heltzeko. Zero Food Waste korronte gastronomikoa ezagutuko dugu, baita intsektuak erabiltzen dituzten abangoardiako gastronomiaren zenbait ikerketa-proiektu ere.  Sukaldariak sukaldaritza-erakustaldi txiki bat eginen du bere ikerketa-proiektuetan oinarritutako zenbait zizka-mizka aurkezteko, eta, gero, solasean arituko da bertaratutakoekin.

Ekainak 9
Edariak, jan-edanen uztarketak eta berrikuntza

Tokia: NIBGMETeko gradu-aretoa. Olibondoak eraikineko 1. solairua. Arrosadiko campusa.

Ordua: 11:00etatik 13:30era

Hizlariak:

• Esther Merino, ikertzaile, diseinatzaile eta aholkularia Gastronomia Garaikiderako Edarietan, Aretoetan eta Jan-edanen Uztarketan.
• Iñigo Arozarena, Elikagaien Teknologiaren arloko irakasle titularra, Hartziduren eta Analisi Sentsorialaren espezialitatekoa, IS-Food institutua. 
• Moderatzailea: Idoya Fernández, IS-Food institutukoko irakasle eta ikertzailea.

Edariak ardatz dituzten nazioarteko jatetxe garaikideetako I+G-ko sailetan destilatzen dira ardoaren eta garagardoaren joera berriak, kombucha eta SCOBY produktu potentziala. Berrikuntzarako, sormenerako eta posizionamendurako modu bat dira, bai elikagaien industrian, bai espazio gastronomikoetan. Saioaren ondoren, dastaketa txiki bat eginen da, Europako jatetxe garaikideetako alkoholik gabeko jan-edanen uztarketarako kartan dauden zenbait erreferentziatan eta destilatu berritzaileetan oinarritua

^{Esther Merino. Ikertzaile, diseinatzaile eta aholkularia Gastronomia Garaikiderako Edarietan, Aretoan eta Jan-edanen Uztarketan.}

ATZERATUA besterik esan arte

Berrikuntza Nafarroako sukaldaritza tradizionalean      

Tokia: Tuterako campuseko ekitaldi aretoa

Ordua: 18:00etatik 20:00etara

Hizlariak: 

• Luis Salcedo (el Choko del Remigio, Tutera) eta Virgilio Martínez (Beethoven jatetxea, Fontellas) sukaldariak
• María José Beriain, IS-Food institutuko Nutrizioko eta Bromatologiako katedraduna. 
• Moderatzailea: Idoia Fernández, IS-Food institutuko irakasle eta ikertzailea.

Bateragarriak al dira Nafarroako errezeta tradizionalak eta I+G+b-a? Tuterako bi sukaldari ezagun eta ikertzaile aditu bat La Mejanako produktuei buruz mintzatuko dira, nekazaritzako praktika jasangarriei buruz, sasoikotasunaren garrantziari buruz edo bertako laboreen baldintzatzaile nagusiei eta haiek prestatzeko prozesuari buruz, errezeta tradizionalei lotutako sukaldaritza-tekniken eta teknika berritzaileen arteko bateragarritasunaren ikuspegitik. Antzinako teknikak berreskuratzeko gakoak ezagutuko ditugu; teknika horien artean daude ontzea, beratzea eta ketzea. Solasaldia hasteko, bertaratutakoek dastaketa txiki bat eginen dute erakusgarri gisa.

Antolatzailea: Nafarroako Unibertsitate Publikoa

Zientziaren eta Berrikuntzaren Ministerioko Zientziarako eta Teknologiarako Espainiako Fundazioak laguntza eman du

Volver