Sormena eta berrikuntza bultzatuz Batxilergoko Ikerketa proiektuen bidez

Ikerketa-jarduna batxilergoko ikasleei gerturatzea ikerketa-proiektuen bidez. Arduraduna: Rebeca Echávarri Aguinaga

Dibulgazioko proiektu honi esker, Nafarroako Bigarren Hezkuntzako ikasleek ikerketa-proiektu batzuk egiteko aukera izanen dute Nafarroako Unibertsitate Publikoko ikertzaileen mentoretzapean.

Prestakuntza eta ezagutza sortzea, hedatzea eta transferitzea dira Nafarroako Unibertsitate Publikoaren helburu nagusietako batzuk. Gainera, dibulgazio zientifikoko eta teknikoko jardueren garapenak eta ikerketako emaitzak komunikatzea funtsezkoa da gizarteari helarazteko Unibertsitateak garatzeko ekintzen garrantzia helarazteko.

Unibertsitate aurreko ikasleen artean zientzia-arloko jakin-mina zenbait modutara sustatzen ahal da, baina modu eraginkorrenetakoa ikerkuntza bera errealitatearekin lotzea da.

Horregatik, proiektu honen helburua unibertsitate aurreko ikasketak egiten ari diren ikasleek NUPeko ikertzaile batzuek proposatutako proiektuetan parte hartzea, eta, horrela, haiek ikerkuntzara gerturatzea. Besteak beste arlo hauetakoak dira proiektuak: ekonomia, biologia, fisika, teknologia edo gizarte zientziak, betiere Batxilergoko mailara egokituak. Unibertsitateko laborategietan, tailerretan eta geletan egindako jardueretan parte hartuz, ikasleek ikertzaileen lanbidea gertutik ezagutzeko aukera dute.

Azkenik, proiektuak ahoz azalduko dituzte eta ebaluatu eginen dituzte.