Nola sartu online zerbitzuetara

Saioak

NUPek saioa hasteko zerbitzu zentralizatu bat du, saioaren hasiera bakarra, saioaren hasiera bateratua, autentifikazio-zerbitzu aurreratua edo Single Sign On ere deitua, besteak beste. Funtsean, pertsona batek zenbait web-aplikaziotan saioa hasteko aukera ematen du, pasahitza behin baino gehiagotan eman behar izan gabe. Lehenengo aldian bakarrik eman beharko da, eta sistemak zure nortasuna gogoratuko du aplikazio guztietan erabiltzeko.

Zer da saio bat?

NireNUP zerbitzuen atarira edo lineako beste aplikazio batera sartzean, sistemak sartzen ari den pertsonari buruzko informazioa mantentzen du, eta, horrela, badaki zer datu erakutsi behar dizkion. Pertsona bati beste baten datuak erakutsiko balizkio, arazo handia izanen litzateke. NireNUPek gu identifikatzeko erabiltzen duen informazio hori da saioa. NireNUPen amaitzen dugunean, ez dugu nahi gure saioak erabilgarri jarraitzea eta "saioa itxi" egiten dugu. Hala egiten ez badugu, norbaitek gure mezuak ikusten edo gure izenean bidaltzen ahalko ditu.
Aplikazio independente bakarra erabiltzen genuenean, hala nola NireNUP, berak kudeatzen zuen saioaren hasiera, identifikatzailea eta pasahitza eskatuz. Halaber, berak kontrolatzen zuen saioaren itxiera, irteteko botoi bat eskainita saioa baliozkoa izan ez zedin.
Hala ere, saioaren hasiera zentralizatua erabiltzen dugunean, beste sistema batek ireki eta ixten ditu saioak. Lehenengo saioa irekitzean, honelako pantaila bat agertuko zaigu:

Orain, sartzeko kredentzialak ez dizkigu NireNUPek eskatuko; saioaren hasiera zentralizatua izanen da (NUP-SSO). NireNUP ez den beste aplikazio batera sartzen bagara, jada ez zaigu ezer galdetuko. NUP-SSO izanen da saioa beste web-aplikazioetan irekiko duena. NUP-SSO saioa irekita daukagun bitartean, saioa irekitzen ahalko dugu horretarako aukera ematen diguten aplikazioetan.

Saioa amaitu eta itxi nahi dugunean, aplikaziotik irteteko botoia sakatuko dugu, beti bezala. Ezer egin beharrik gabe, NUP-SSO izanen da saioa itxiko duena, aplikazioak hala aginduta, edo NUP-SSO pantaila bat eskainiko diguna saio hori eta kontrolatzen dituen saio guztiak ixteko. Amaitzean, oso garrantzitsua da ixtea eta saiorik irekita ez uztea, inork ez ikusteko edo aplikazioren bat gure izenean ez erabiltzeko. Gogoratu aplikazio batean saioa ixtean NUP-SSO saioa ere ixten ariko garela.